ထိုင်းနိုင်ငံအတွင်းမှာ ချီးကျူးမှုတွေ ပြည့်နှက်နေဆဲဖြစ်တဲ့ မြန်မာ ကျေးရွာသားတွေရဲ့ အလှူ

.

၂၀၂၆ ခုနှစ်၊ မေလ ၃၀

.

ပြီးခဲ့တဲ့ မေလ ၂၆ ရက်မှာ၊ ထိုင်းနိုင်ငံ အန်ဖန်းဆေးရုံကနေ တင်လိုက်တဲ့ အလှူငွေပို့စ်လေးတစ်ခုက ဒီနေ့အထိ ထိုင်းလူမျိုးတွေကြားမှာ ပြောစမှတ်ဖြစ်နေဆဲပါ။

.

.

ထိုင်းနယ်စပ်အနီးမှာရှိတဲ့ ချုကာရီ ဆိုတဲ့ရွာလေးက ရွာသားတွေက ထိုင်းနိုင်ငံဖက်မှာရှိတဲ့ အန်ဖန်း ဆေးရုံအတွက် သူတို့မှာရှိတဲ့ပိုက်ဆံလေးတွေကို စုပြီး လှူခဲ့ကြတာဖြစ်ပြီး လှူဒါန်းငွေက ဘတ် ၁၄၀၀၀ ပါ။

.

ဒီပမာဏက များပြားတဲ့ပမာဏ မဟုတ်ပေမဲ့ မြန်မာရွာသားတွေအတွက်တော့ မရှိတဲ့အထဲက လှူလိုက်ရ တာပါပဲ။ ဒီ ဆေးရုံက သူတို့ကို ကုသပေးနေတဲ့ ဆေးရုံဖြစ်ပြီး ကျန်းမာရေးနဲ့ဆိုင်တဲ့ ကုသမှုတွေကို ဒီဆေးရုံမှာ သွားရောက်ခံယူနေရတာမို့ ကျေးဇူးတုံ့ပြန်တဲ့အနေနဲ့ စုပေါင်းလှူဒါန်းပေးလိုက်ကြတာပါ။

.

အန်ဖန်းဆေးရုံက ထိုင်း-မြန်မာ နယ်စပ်မှာ နေထိုင်သူမှန်သမျှကို လူတန်းစားမခွဲဘဲ ကုသပေးတဲ့ဆေးရုံအဖြစ် လူသိများပြီး လက်ရှိမှာ ဆေးဝါးကုသမှု ဆက်လက်ပေးဖို့ အခက်အခဲတွေနဲ့ ရင်ဆိုင်နေရတာပါ။ ၂၀၂၆ ခုနှစ် အတွင်းမှာ အန်ဖန်းဆေးရုံက ဆက်လက်ရပ်တည်နိုင်ဖို့ တော်တော်လေး ခက်ခဲခဲ့ပြီး ပြည်သူတွေဆီကနေ ရတဲ့အလှူငွေတွေနဲ့ ဆက်လက် လည်ပတ်နေရတာ ဖြစ်ပါတယ်။

.

ထိုင်းနိုင်ငံထဲက လူတွေကတော့ ဆေးရုံကနေ တင်ထားတဲ့ အလှူငွေပို့စ်က ပိုက်ဆံအနွမ်းလေးတွေကို ကြည့်ပြီး စိတ်မကောင်းဖြစ်နေကြပါတယ်။ ဒီအဖြစ်အပျက်က မြန်မာလူမျိုးတွေရဲ့ ကျေးဇူးသိတတ်မှုကို ပြသနေတာဖြစ်တယ်လို့ သူတို့က ခံယူထားပြီး နိုင်ငံရေးထက် လူသားချင်းစာနာမှု၊ ကျေးဇူးတရားနဲ့ ကူညီရိုင်းပင်းမှုတွေကို ပြသနေတဲ့ ဥပမာတစ်ခုလို့ တောင် တင်စားပြောဆိုနေကြတာပါ။

.

Source – Bangkok Post

.