.
၂၀၂၆ ခုနှစ်၊ ဇွန်လ ၁၈ ရက်
.
အုပ်စုတွင်းအဓိက ပြိုင်ဖက် ပေါ်တူဂီ
တိုင်ပတ်နေချိန်မှာ ကိုလံဘီယာ အသင်းကတော့ ဥဇဘက်ကို ၃-၁ ဆိုတဲ့ရလာဒ်နဲ့
ဂိုးပြတ်အနိုင်ယူပြီး အုပ်စုပထမနေရာကို သိမ်းပိုက်သွားခဲ့ပါတယ်။
.
ဆွာရက်ဇ်၊ ဒီယာ့ဇ်၊ ရိုဒရီဂွက်ဇ်တို့နဲ့
လူစုံခဲ့တဲ့ ကိုလံဘီယာ က ခူဆာနော့ဗ် ဦးဆောင်တဲ့ ဥဇဘက်ကို တစ်ပွဲလုံး အသာစီးကနေ
ကစားသွားခဲ့ပြီး ဂိုးသွင်းခွင့်တွေလည်း အများကြီးရခဲ့တာပါ။
.
ပထမပိုင်းရဲ့ အစောပိုင်းမိနစ်တွေမှာ
ဥဇဘက်ရဲ့ခံစစ်က ကိုလံဘီယာ ကို ကောင်းကောင်း ထိန်းနိုင်ခဲ့တယ်လို့ ပြောလို့ရပြီး
ရရှိခဲ့တဲ့ အခွင့်အရေးတချို့ကိုလည်း ကိုလံဘီယာ ကစားသမားတွေ လွဲနေခဲ့ကြတာပါ။
ပွဲချိန် မိနစ် ၄၀ မှာတော့ ကိုလံဘီယာက အဖွင့်ဂိုးရသွားခဲ့ပြီး မူနော့ဇ် က
ဦးဆောင်ဂိုး သွင်းပေးသွားခဲ့တာပါ။
.
ဒုတိယပိုင်းမှာတော့ ဥဇဘက်က တိုက်စစ်ဖွင့်ကစားတဲ့
ပုံစံကို အသုံးပြုခဲ့ပြီး ပွဲချိန် မိနစ် ၆၀ မှာပဲ ဖေဇူလက် က
ဂိုးသမားနဲ့အနီးကပ်အနေအထားကနေ ခေါင်းတိုက်ပြီး ဥဇဘက်အတွက်
ချေပဂိုးသွင်းပေးနိုင်ခဲ့တာပါ။
.
ဒါပေမဲ့ ဥဇဘက်ရဲ့ဖွင့်ကစားတဲ့ပုံစံက ကိုလံဘီယာ
စိတ်ကြိုက်ဖြစ်သွားခဲ့တာမို့ ချေပဂိုးသွင်းပြီး ၅ မိနစ် အကြာ၊ ၆၅ မိနစ်မှာပဲ
ဒီယာ့ဇ်က ကိုလံဘီယာအတွက် ဒုတိယမြောက် သွင်းဂိုးကို ဂိုးဧရိယာထဲမှာ ညာခြေနဲ့
သွင်းပေးခဲ့တာပါ။
.
ကိုလံဘီယာ တောင်ပံက လူးဝစ်ဒီယာ့ဇ် ကို
ဥဇဘက်ခံစစ်က ထိန်းဖို့ခက်နေခဲ့ပြီး ပြစ်ဒဏ်ကျူးလွန်တဲ့ အနေအထားနဲ့သာ
ဖျက်ထုတ်မှုတွေ လုပ်နေခဲ့ရတာလည်း ဖြစ်ပါတယ်။
.
ပွဲချိန် မိနစ် ၈၀ ကျော်မှာ ဂျက်ဖာဆင်လာမာနဲ့
လူစားဝင်ကစားသမား ကမ်းပက်ဇ် တို့ရဲ့ ကန်ချက်တွေ ဂိုးပေါက်နဲ့လွဲခဲ့လို့ ၁-၂ နဲ့
ပွဲပြီးပြီ ထင်ခဲ့ပေမဲ့ နာကျင်အချိန်ပို ၉ မိနစ်မှာ ကမ်းပက်ဇ်က ပြစ်ဒဏ်ဘော ပေးပို့မှုကနေ
တစ်ဆင့် ခေါင်းတိုက်ဂိုးသွင်းယူသွားခဲ့တာမို့ ပွဲအပြီးမှာ ကိုလံဘီယာက ၁-၃ ဆိုတဲ့
ရလဒ်နဲ့ အနိုင်ရသွားခဲ့တာလည်း ဖြစ်ပါတယ်။
.
ကိုလံဘီယာက လာမယ့်ပွဲမှာလည်း ကွန်ဂိုနဲ့ တွေ့ဦးမှာမို့
ဒီခြေစွမ်းအတိုင်းသာ ဆက်ထိန်းထားနိုင်ရင် တော်တော်လေး အခြေအနေကောင်းမယ့်
ပုံစံမှာရှိနေပြီး အုပ်စု နောက်ဆုံးပွဲမှာမှ ပေါ်တူဂီနဲ့ အဆုံးအဖြတ်ပွဲ သဘောမျိုး
ကစားသွားရမယ့် အနေအထားပါ။
.
#KBZTai #Shan #WC2026 #Colombia #Sports
#Football
.
No comments:
Post a Comment