.
၂၀၂၆ ခုနှစ်၊ ဧပြီလ ၃၀ ရက်
.
ရှမ်းပြည်နယ်အစိုးရအဖွဲ့မှ ကြီးမှူးကျင်းပသော ကဆုန်လပြည့်
(ဗုဒ္ဓအခါတော်နေ့) ကဆန်ညောင်ရေသွန်းပွဲ ကို ယနေ့ ဧပြီလ ၃၀ ရက်၊ ညနေပိုင်းက တောင်ကြီးမြို့၊
စူဠာမုနိလောကချမ်းသာစေတီတော်တွင် ပြုလုပ်ခဲ့ကြောင်း သိရသည်။
.
အခမ်းအနားတွင် ပြည်နယ်ဝန်ကြီးချုပ်နှင့် ဝန်ကြီးများ၊
တာဝန်ရှိသူများ၊ ဒေသခံပြည်သူများက ပင့်သံဃာ ၁၀၈ ပါးတို့အား ဆွမ်းဆန်စိမ်းနှင့် လှူဖွယ်ဝတ္ထုပစ္စည်းများ
ဆက်ကပ်လှူဒါန်းခဲ့ကြောင်း သိရသည်။
.
ထို့နောက် ရှမ်းပြည်နယ်ဝန်ကြီးချုပ် ဦးစိုင်းထိန်စိုး၊
ပြည်နယ်လွှတ်တော်ဥက္ကဋ္ဌ၊ ပြည်နယ်တရားလွှတ်တော် တရားသူကြီးချုပ်နှင့် ပြည်နယ်အစိုးရအဖွဲ့ဝင်
ဝန်ကြီးများ၊ ဌာနဆိုင်ရာများ၊ ဒေသခံပြည်သူများက စူဠာမုနိ လောကချမ်းသာစေတီတော် ရင်ပြင်ရှိ
ဗောဓိညောင်ပင်တွင် ကဆုန်ညောင်ရေ သွန်းလောင်းပူဇော်ခဲ့ကြောင်း သိရသည်။
.
ထို့အပြင် တောင်ကြီးမြို့၊ မင်္ဂလာရာမဘုန်းတော်ကြီးကျောင်းရှေ့
ဗောဓိကွင်းရှိ ဗောဓိညောင်ပင်တွင် ယနေ့ ဧပြီလ ၃၀ ရက်၊ နံနက်ပိုင်းက ပထမအကြိမ် သံဃာ
၁၀၈ ပါးတို့ကို အရုဏ်ဆွမ်းလောင်းလှူပွဲနှင့် ညနေပိုင်း တွင် တတိယအကြိမ်မြောက် ကဆုန်ညောင်ရေသွန်းပွဲတော်ကို
ပြုလုပ်ခဲ့ကြောင်း သိရသည်။
.
No comments:
Post a Comment