တောင်ကြီး အပါအဝင် အားကာသိပ္ပံ ၆ ကျောင်းတွင် အားကစားနှင့်ပညာရေး ပေါင်းစပ်သင်တန်း ဖွင့်လှစ်မည်

.

၂၀၂၆ ခုနှစ်၊ ဧပြီလ ၂၁ ရက်

.

အားကစားနှင့် ကာယပညာသိပ္ပံ၊ တောင်ကြီး အပါအဝင် မြို့ပေါင်း ၆ ခုရှိ အားကာသိပ္ပံကျောင်းများ၌ အားကစားနှင့် ပညာရေး ပေါင်းစပ်သင်တန်းကို ဖွင့်လှစ်သွားမည်ဖြစ်ကြောင်း သိရသည်။

.

.

အဆိုပါ ကျောင်းများမှာ ရန်ကုန်၊ မန္တလေး၊ မော်လမြိုင်၊ တောင်ကြီး၊ မုံရွာနှင့် လွိုင်ကော်မြို့များရှိ အားကာ သိပ္ပံကျောင်းများဖြစ်ပြီး သင်တန်းကို လာမည့်ပညာသင်နှစ်တွင် စတင်ဖွင့်လှစ်သွားမည်ဖြစ်ကြောင်း သိရသည်။

.

ထိုသင်တန်းများတွင် တစ်နိုင်ငံလုံးရှိ ထူးချွန်သည့် အာကစားသမားများကို ရွေးချယ်သွားမည်ဖြစ်ကြောင်း သိရသည်။

.

သင်တန်းတက်ရောက်လိုသူများအနေဖြင့် သက်ဆိုင်ရာ တိုင်းဒေသကြီး၊ ပြည်နယ်များရှိ အားကစားနှင့် ကာယပညာဦးစီးဌာနများသို့ ဆက်သွယ်စာရင်းပေးနိုင်ကြောင်း သိရသည်။

.

သင်တန်းတွင် ရေကူး၊ မြှားပစ်၊ ပြေးခုန်ပစ်၊ ကြက်တောင်၊ ဘောလုံး၊ ဘတ်စကက်ဘော၊ လှေလှော်၊ လက်ဝှေ့၊ စက်ဘီး၊ သေနတ်ပစ်၊ ဂျူဒို၊ ကာရာတေး၊ ပိုက်ကျော်ခြင်း၊ ရွက်လှေ၊ စားပွဲတင် တင်းနစ်၊ တိုက်ကွမ်ဒို၊ တင်းနစ် စသည့်အားကစားနည်းများကို ထည့်သွင်းသင်ကြားပေးသွားမည်ဖြစ်ကြောင်း သိရသည်။

.

သင်တန်း တက်ရောက်လိုသူများသည် အခြေခံပညာ အလယ်တန်း ၇ တန်း အောင်မြင်ပြီးသူ ဖြစ်ရမည် ဖြစ်ပြီး အရပ်မှာ အမျိုးသား ၅ ပေ ၄ လက်မ၊ အမျိုးသမီး ၅ ပေ ၂ လက်မ အနည်းဆုံးရှိရမည်ဖြစ်ကာ ကိုယ်အလေးချိန်နှင့် သက်ဆိုင်ရာ အားကစားနည်းကို ကျွမ်းကျင်မှုရှိရမည်ဖြစ်ကြောင်း သိရသည်။

.

Photo – အားကစားနှင့်ကာယပညာသိပ္ပံ (တောင်ကြီး)

.