နှစ်လုံး၊ သုံးလုံးထီ လောင်းကစား ပြုလုပ်သူ အမျိုးသမီးတစ်ဦး အဖမ်းခံရ

.

၂၀၂၆ ခုနှစ်၊ ဇွန်လ ၁၇ ရက်

.

ရှမ်းပြည်နယ်မြို့တော်၊ တောင်ကြီးမြို့၊ မြို့မဈေးအနီးတွင် ယမန်နေ့ ဇွန်လ ၁၆ ရက်၊ နေ့လယ်ပိုင်းက နှစ်လုံးထီ၊ သုံးလုံးထီ လောင်းကစားပြုလုပ်သူ အမျိုးသမီးတစ်ဦး ဖမ်းဆီးခံခဲ့ရကြောင်း သိရသည်။

.

.

တောင်ကြီးမြို့မရဲစခန်းမှ နယ်ထိန်းတပ်ဖွဲ့ဝင်များသည် ယမန်နေ့ ဇွန်လ ၁၆ ရက်၊ နေ့လယ် ၁၂ နာရီခန့်က တောင်ကြီးမြို့၊ ဈေးပိုင်းရပ်ကွက်၊ စဝ်စံထွန်းလမ်းနှင့် ကုန်သည်လမ်းထောင့်တွင် တရားမဝင် နှစ်လုံးထီ၊ သုံးလုံးထီ လောင်းကစား ပြုလုပ်နေကြောင်း သတင်းအရ ကုန်သည်လမ်းမှ စဝ်စံထွန်းသို့ မသင်္ကာဖွယ် လမ်းလျှောက်လာသူ အမျိုးသမီးတစ်ဦးအား တားဆီးစစ်ဆေးခဲ့ခြင်းဖြစ်ကြောင်း သိရသည်။

.

အဆိုပါ အမျိုးသမီးအား သက်သေများရှေ့တွင် အမျိုးသမီးရဲမေမှ စစ်ဆေးရှာဖွေရာ ၎င်းလွယ်ထားသည့် ဘေးလွယ်အိတ်အတွင်းမှ နှစ်လုံး၊ သုံးလုံးလောင်း ကစားပြုလုပ်ရာမှ ရရှိသည့် ငွေစက္ကူရောရာ ၁၃၀၀၀၀ ကျပ်နှင့်အတူ နှစ်လုံးထီ၊ သုံးလုံးထီ လောင်းကစားပြုလုပ်ထားသည့် မှတ်တမ်းစာရွက်များအား ရှာဖွေတွေ့ရှိ ခဲ့ခြင်းဖြစ်ကြောင်း သိရသည်။

.

သို့ဖြစ်၍ နှစ်လုံး/သုံးလုံးထီ လောင်းကစား ပြုလုပ်သူ အမျိုးသမီးအား ‌တောင်ကြီးမြို့မရဲစခန်းတွင် လောင်းကစားဥပဒေဖြင့် အမှုဖွင့်အရေးယူ ဆောင်ရွက်လျက်ရှိကြောင်း သိရသည်။

.