ညောင်ရွှေတွင် မီးလောင်မှုဖြစ်ပွား

.

၂၀၂၆ ခုနှစ်၊ အောက်တိုဘာလ ၁၈ ရက်

.

ရှမ်းပြည်နယ်တောင်ပိုင်း၊ ညောင်ရွှေမြို့ရှိ တည်းခိုဆောင်တစ်ခုတွင် ယမန်နေ့ အောက်တိုဘာလ ၁၇ ရက်၊ ညပိုင်းက မီးလောင်မှုဖြစ်ပွားခဲ့ကြောင်း သိရသည်။

.

.

ညောင်‌ရွှေမြို့၊ ကံသာရပ်ကွက်၊ တိန်နန်းတံတားအနီးရှိ View Point Restaurant  eco lodge တွင် ယမန်နေ့ အောက်တိုဘာ ၁၇ ရက်၊ ည ၉ နာရီ ၄၅ မိနစ်ခန့်က မီးစတင်လောင်ကျွမ်းခဲ့ခြင်းဖြစ်ပြီး မီးလောင်မှုဖြစ်ပွား ရာသို့ ညောင်ရွှေမြို့နယ်မီးသတ်တပ်ဖွဲ့မှ မီးငြှိမ်းသတ်ယာဉ် ၂ စီး၊ သန္ဓေနှင့် အရန်မီးသတ်တပ်ဖွဲ့ဝင်များ၊ ဒေသခံပြည်သူများဖြင့် ဝိုင်းဝန်းငြှိမ်းသတ်ခဲ့ရာ ည ၁၀ နာရီ၊ ၁၀ မိနစ်ခန့်တွင် မီးငြိမ်းသွားခဲ့ကြောင်း သိရသည်။

.

မီးလောင်ကျွမ်းမှုနှင့် ပတ်သက်၍ မီးသတ်တပ်ဖွဲ့မှ စစ်ဆေးရာ View Point Restaurant eco  lodge ၏ ဧည့်သည် နေထိုင်ခြင်းမရှိသည့် အခန်းအမှတ် (၃၀၁)အတွင်း မျက်နှာကျက် ပေါ်တွင် လျှပ်စစ်မီးသွယ်တန်း၍ ပန်ကာတပ်ဆင်ထားသည့် ပန်ကာမော်တာကွိုင် အပူလွန်ကဲရာမှ မီးစတင်မီးလောင်ကျွမ်းပြီး အခန်းအမှတ် (၃၀၂) သို့ ထပ်မံကူးစက်လောင်ကျွမ်းခဲ့ခြင်းဖြစ်ကြောင်း သိရပြီး မီးလောင်မှုကြောင့် အခန်း ၂ ခန်းရှိ ပရိဘောဂနှင့် ဝါးသက်ကယ်မိုးတို့ မီးလောင်ကျွမ်းခဲ့ကာ ဆုံးရှံးမှုတန်ဖိုး ၁၆၈၀၀၀၀ ကျပ်ခန့် ရှိကြောင်းနှင့် လူနှင့် တိရစ္ဆာန် ထိခိုက်ဒဏ်ရာရမှု မရှိကြောင်း သိရသည်။

.

မီးလောင်မှုနှင့် ပတ်သက်၍ မီးပေါ့ဆစွာ အသုံးပြုသူ View Point Restaurant eco  lodge ဟိုတယ်မန်နေဂျာ  ဦးထွန်းထွန်း အား ညောင်ရွှေမြို့မရဲစခန်းတွင် ရာဇသတ်ကြီးပုဒ်မ ၂၈၅ ဖြင့် အမှုဖွင့်အရေးယူ ဆောင်ရွက် လျက်ရှိကြောင်း သိရသည်။

.