ရှမ်းပြည်နယ်တောင်ပိုင်း၊ နမ့်စန်-
မိုးနဲသွား ကားလမ်းဘေး၌ ပြီးခဲ့သည့်
အောက်တိုဘာလ ၁ ရက်၊ နေ့လယ်ပိုင်းက တရားမဝင် သစ်လုံးများကို ပိုင်ရှင်မဲ့ ဖမ်းမိခဲ့သည်ဟု သိရသည်။
.
သစ်တောဦးစီးဌာနမှ
ဝန်ထမ်းများသည် သက်သေများနှင့်အတူ နမ့်စန်ဘိနယ်အတွင်း တရားမဝင်သစ်
ရှာဖွေ ဖမ်းဆီးရေးလုပ်ငန်း ဆောင်ရွက်နေစဉ်
မက်မုန်မွန်းကျေးရွာအုပ်စု၊ နမ့်စန်-မိုးနဲသွား ကားလမ်းဘေး တစ်နေရာတွင် ၃ ဒသမ
၈၀၄ တန်ရှိ တရားမဝင် အင်သစ်လုံး/သစ်တိုင် ၁၇ လုံး ကို ပိုင်ရှင်မဲ့ ဖမ်းဆီးရမိခဲ့ခြင်း ဖြစ်သည်။
.
“ ကျွန်တော်တို့
ဘိနယ်ထဲမှာ နယ်မြေ ရှင်းပြီးတော့ ဖမ်းတာပါ။ ပိုင်ရှင်တော့ မရှိဘူး၊ ကွင်းဆင်းပြီး နယ်မြေရှင်းတဲ့
သဘောပါပဲ။ သစ်တောဥပဒေနဲ့ အညီပဲ အရေးယူ ဆောင်ရွက်သွားမှာပါ။” ဟု သစ်တောဦးစီးဌာန တာဝန်ရှိသူ
တစ်ဦးက ပြောသည်။
.
ရှမ်းပြည်နယ်တောင်ပိုင်းရှိ
သစ်တောပြုန်းတီးရာ နေရာများအနက် မိုးနဲ၊ နမ့်စန်ဒေသများလည်း အပါအဝင် ဖြစ်ပြီး ပုံစံမျိုးစုံဖြင့်
ခိုးယူခုတ်လှဲခြင်း၊ တင်ဆောင်ခြင်းများ ပြုလုပ်နေလျက် ရှိသော်လည်း ထိရောက်သည့် တားဆီးမှု
မပြုလုပ်နိုင်ဘဲ သစ်တောများ အရှိန်အဟုန်ဖြင့် ပြုန်းတီးနေဆဲ ဖြစ်ကြောင်း သိရသည်။
.
No comments:
Post a Comment