.
၂၀၂၆ ခုနှစ်၊ အောက်တိုဘာလ ၁၅ ရက်
.
ယူကရိန်းမှာ Starlink ဂြိုဟ်တုအင်တာနက်နဲ့
ရုရှားရဲ့ ပဲ့ထိန်းဒုံးကျည်တိုက်ခိုက်မှုတွေကို ကြိုတင် သတိပေးတဲ့
အမေရိကန်အချက်အလက်တွေ အသုံးပြုရာမှာ အခက်အခဲတွေ ကြုံလာတာနဲ့အတူ ဥရောပ မဟာမိတ်တွေကလည်း
အမြန်အစားထိုးပေးနိုင်မယ့် နည်းလမ်းမရှိသေးဘူးလို့ Reuters က
ဖော်ပြပါတယ်။
.
.
ယူကရိန်းအရာရှိတွေက Starlink ရဲ့
စစ်ဘက်သုံး Starshield ဝန်ဆောင်မှုဟာ အမြန်နှုန်းမြင့် ရွေ့လျားနေချိန် မှာ
ပြတ်တောက်ခဲ့ပြီး တိုက်ခိုက်ရေးဒရုန်းတွေနဲ့ လေကြောင်းကာကွယ်ရေးလုပ်ငန်းတွေ
ထိခိုက်ခဲ့တယ်လို့ ဗုဒ္ဓဟူးနေ့မှာ ပြောပါတယ်။ သမ္မတ ဗိုလိုဒီမီယာ ဇယ်လန်းစကီးကလည်း
ရုရှားရဲ့ ပဲ့ထိန်းဒုံးကျည်တိုက်ခိုက်မှု နဲ့ပတ်သက်ပြီး ဒုတိယညဆက်တိုက်
မိတ်ဖက်နိုင်ငံတွေထံက ကြိုတင် သတိပေးချက် မရခဲ့ဘူးလို့ ပြောပါ တယ်။
.
အခက်အခဲဖြစ်ရတဲ့ အကြောင်းရင်းကို ချက်ချင်းမသိရသေးပေမဲ့
အမေရိကန်သမ္မတ ဒေါ်နယ်ထရမ့်နဲ့ ယူကရိန်းကြား ဆက်ဆံရေး တင်းမာလာချိန်နဲ့
တိုက်ဆိုင်နေပါတယ်။ ထရမ့်က ရုရှားဒီဇယ်အပေါ် ပိတ်ဆို့မှု တွေကို ရုပ်သိမ်းဖို့
သဘောတူညီချက်တစ်ရပ် ကြေညာခဲ့သလို ဇယ်လန်း စကီးကိုလည်း ရာထူးက ဖယ်ရှားဖို့
တောင်းဆိုထားပါတယ်။ ဒါပေမယ့် အမေရိကန်က ယူကရိန်းနဲ့ ထောက်လှမ်းရေးအချက်အလက်တွေ
ဆက်လက်မျှဝေနေတယ်လို့ ထရမ့်က ပြောပါတယ်။
.
ဥရောပနိုင်ငံတွေက ယူကရိန်းနဲ့ ဇယ်လန်းစကီးကို
အခိုင်အမာထောက်ခံနေကြပေမယ့် ဒီအခက် အခဲတွေက ယူကရိန်းနဲ့ ဥရောပဟာ အမေရိကန်ရဲ့
ဂြိုဟ်တုစနစ်တွေကို အလွန်အမင်း မှီခိုနေရတာကို ပြသလိုက် ပါတယ်။ အမေရိကန်ရဲ့
ဂြိုဟ်တုစနစ်က ရုရှားဒုံးကျည်တွေ လွှတ်တင်ချိန်မှာ ထွက်ပေါ်တဲ့ အပူကို
ထောက်လှမ်းပြီး ကြိုတင်သတိပေးနိုင်ပေမယ့် ဥရောပမှာ အလားတူစနစ် မရှိသေးပါဘူး။
.
Starlink အတွက်လည်း ယူကရိန်းစစ်သားတွေ ဒရုန်းတွေနဲ့
တိုက်ရိုက်တွဲသုံးနိုင်တဲ့ အဆင်သင့် အစားထိုးစနစ် ဥရောပမှာ မရှိသေးပါဘူး။
ဥရောပအစိုးရတွေနဲ့ ကုမ္ပဏီတွေက ရေရှည်အစားထိုးနိုင် မယ့် စနစ်တွေကို လုပ် ဆောင်နေကြပေမဲ့
လက်ရှိမှာ Starlink ကနေ OneWeb ကို ပြောင်းသုံးဖို့ တောင်
စက်ပစ္စည်း ထောင်ပေါင်း များစွာကို အစားထိုးရမှာ ဖြစ်ပါတယ်။
.
ယူကရိန်းက ကာကွယ်ရေးနည်းပညာကုမ္ပဏီ Buntar
Aerospace ရဲ့ ပူးတွဲတည်ထောင်သူ ဘိုဒန် ဆက်စ်က Starshield ဝန်ဆောင်မှု
ရုတ်တရက်ပြတ်တောက်မှုဟာ စနစ်တစ်ခုတည်းကိုပဲ မှီခိုလို့မရဘူး ဆိုတာ ပြသ လိုက်တာဖြစ်ပြီး
နိုင်ငံတစ်နိုင်ငံအနေနဲ့ ကိုယ်ပိုင်စွမ်းရည်တွေ ရှိဖို့လိုတယ်လို့ ပြောပါတယ်။
.
ဥရောပမှာလည်း အမေရိကန်စစ်ဘက်နည်းပညာအပေါ်
အလွန်အမင်းမှီခိုနေရတာနဲ့ပတ်သက်ပြီး စိုးရိမ်မှု တွေ ပိုများလာပါတယ်။
ဥရောပကာကွယ်ရေးကော်မရှင်နာ အန်ဒရီယပ်စ် ကူဘီလီယပ်စ်က ဥရောပဟာ အမေရိကန်ရဲ့
အာကာသစွမ်းရည်တွေကို အတော်လေးမှီခိုနေရတယ်လို့ ပြောပြီး ကိုယ်ပိုင် စွမ်းရည်တွေ
တည်ဆောက်ဖို့ လိုအပ်တယ်လို့ ဆိုပါတယ်။
.
ဥရောပသမဂ္ဂရဲ့ IRIS² ဂြိုဟ်တုစနစ်နဲ့ ဂျာမနီရဲ့ ကိုယ်ပိုင်စစ်ဘက်ဂြိုဟ်တုစနစ်တွေကို
ဖော်ဆောင်နေ ကြပေမယ့် IRIS² စနစ်က
အစီအစဉ်အတိုင်းဖြစ်ခဲ့ရင်တောင် လည်ပတ်နိုင်ဖို့ နှစ်အတော်ကြာဦးမယ်လို့ ဆိုပါတယ်။
.
Ref – Reuters
.
No comments:
Post a Comment