မိုင်းခတ်မြို့နယ်တွင် အွန်လိုင်းလိမ်လည် လောင်းကစားမှု ကျူးလွန်သူ ၆၂ ဦး ဖမ်းမိ

ရှမ်းပြည်နယ်အရှေ့ပိုင်း၊ မိုင်းခတ်မြို့နယ်တွင် ယမန်နေ့ မေလ ၂၀ ရက်က အွန်လိုင်းလိမ်လည် လောင်းကစား မှုများ ကျူးလွန်ခဲ့သည့် တရားမဝင် ပြည်ပနိုင်ငံသား ၅၁ ဦး၊ မြန်မာနိုင်ငံသား ၁၁ ဦး၊ စုစုပေါင်း ၆၂ ဦးကို ဖမ်းဆီးရမိခဲ့ပြီး အွန်လိုင်းလိမ်လည် လောင်းကစားမှု ကျူးလွန်ရာတွင် အသုံးပြုသည့် အဆောက်အအုံများ၊ လုပ်ငန်းသုံးပစ္စည်းများအား သိမ်းဆည်းရမိခဲ့ကြောင်း သိရသည်။
.
လုံခြုံရေး ပူးပေါင်းအဖွဲ့သည် ယမန်နေ့ မေလ ၂၀ ရက်၊ နံနက်ပိုင်းက မိုင်းခတ်မြို့နယ်၊ မိုင်းဟန်ကျေးရွာ အုပ်စု၊ ဖားငင်ကျေးရွာ၏ အနောက်တောင်ဘက်မီတာ ၁၀၈၀ ခန့်အကွာ၌ တရားမဝင် အွန်လိုင်း လိမ်လည် လောင်းကစားမှု ကျူးလွန်ရာတွင် အသုံးပြုခဲ့သည့် အဆောက်အုံများ၊ ကွန်ပျူတာ၊ မီးစက်နှင့် ဆက်စပ် ပစ္စည်းများကို သိမ်းဆည်းရမိခဲ့ကြောင်း သိရသည်။
.
ထို့နောက် ပူးပေါင်းအဖွဲ့သည် ရှာဖွေမှုများ ဆက်လက်ဆောင်ရွက်ခဲ့ရာ ဖားငင်ကျေးရွာ၏ အနောက်တောင် ဘက် မီတာ ၂၂၀၀ ခန့်အကွာ၌ အွန်လိုင်းလိမ်လည်လောင်းကစားမှုကျူးလွန်သူ တရားမဝင် တရုတ်နိုင်ငံသား အမျိုးသား ၂၀ ဦးကို လည်းကောင်း၊ ဖားငင်ကျေးရွာ၏ အနောက်တောင်ဘက် မီတာ ၂၈၀၀ ခန့်အကွာ၌ တရားမဝင် တရုတ်နိုင်ငံသား ၁၄ ဦး၊ မြန်မာနိုင်ငံသား အမျိုးသား ၁ ဦးနှင့် ဖုန်းမျိုးစုံ ၁၂ လုံး တို့ကို လည်းကောင်း၊ ဖားငင်ကျေးရွာ၏ တောင်ဘက် မီတာ ၂၁၀၀ အကွာ၌ တရားမဝင် တရုတ်နိုင်ငံသား ၁၅ ဦး၊ ဗီယက်နမ် နိုင်ငံသား အမျိုးသမီး ၁ ဦး၊ မြန်မာနိုင်ငံသား အမျိုးသမီး ၃ ဦးနှင့် ဖုန်းမျိုးစုံ ၁၁ လုံးတို့ကို လည်းကောင်း၊ ဖားငင်ကျေးရွာ၏ တောင်ဘက်မီတာ ၁၉၀၀ ခန့်အကွာ၌ မြန်မာနိုင်ငံသား အမျိုးသား ၄ ဦး၊ အမျိုးသမီး ၃ ဦးနှင့် ဖုန်းမျိုးစုံ ၅ လုံးတို့ကို လည်းကောင်း၊ ဖားငင်ကျေးရွာ၏ အရှေ့တောင်ဘက် မီတာ ၂၅၀၀ ခန့်အကွာ၌ တရားမဝင်တရုတ်နိုင်ငံသား အမျိုးသား ၁ ဦးတို့ကို လည်းကောင်း အသီးသီး ဖမ်းဆီးရမိခဲ့ခြင်း ဖြစ်ကြောင်း သိရသည်။
.
အဆိုပါ ဖမ်းဆီးရမိ သူများအား လိုအပ်သည့် စစ်ဆေးမှုများ ဆောင်ရွက်ပြီးစီးပါက တည်ဆဲဥပဒေများနှင့် အညီ ထိရောက်ပြင်းထန်စွာ အရေးယူဆောင်ရွက်သွားမည်ဖြစ်ပြီး သိမ်းဆည်းရမိသည့် လုပ်ငန်းသုံး ပစ္စည်းများအား လုပ်ထုံးလုပ်နည်းများနှင့်အညီ ဆက်လက်ဆောင်ရွက်သွားမည်ဖြစ်ကြောင်း သတင်း ထုတ်ပြန်ထားသည်။
.
#KBZTai #MongKhet
.