.
၂၀၂၆ ခုနှစ်၊ မေလ ၂၄ ရက်
.
ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ရွှေညောင်မြို့ရှိ
ကိုယ်ပိုင်အထက်တန်းကျောင်း ဆောက်လုပ် နေသည့် လုပ်ငန်းခွင်တစ်ခုတွင် ဝမ်းပျက်ဝမ်းလျှောရောဂါ
ဖြစ်ပွားသူ ၁၆ ဦး တွေ့ရှိခဲ့ကြောင်း သိရသည်။
.
ရွှေညောင်မြို့၊ မကျီးပင်ရွာရှိ ဝမ်ဝမ်ကိုယ်ပိုင်အထက်တန်းကျောင်း
ဆောက်လုပ်ရေး လုပ်ငန်းခွင်တွင် မေလ ၂၂ ရက်က အသက် ၁၈ နှစ်အရွယ် အမျုးသားတစ်ဦး ဝမ်းပျက်ဝမ်းလျှော
ဖြစ်ပွားသဖြင့် ပြင်ပဆေးခန်းတွင် သွားရောက်ပြသခဲ့ပြီး ယင်းလူနာမှာ မေလ ၂၃ ရက်တွင် ပြန်လည်သက်သာလာခဲ့ကြောင်း
သိရသည်။
.
ထို့နောက် ယနေ့ မေလ ၂၄ ရက်တွင် နောက်ထပ် ဝမ်းပျက်ဝမ်းလျှောရောဂါ
ဖြစ်ပွားသူ ၁၆ ဦး ထပ်မံတွေ့ရှိ ကြောင်း သတင်းရရှိသဖြင့် ပြည်သူ့ကျန်းမာရေးဦးစီးဌာနမှ
ကွင်းဆင်းစစ်ဆေးခဲ့ပြီး ဝမ်းပျက်ဝမ်းလျှော ဖြစ်ပွားသူ ၁၆ ဦးနှင့် ကျန် ၁၀ ဦး၊ စုစုပေါင်း
၂၆ ဦးတို့အား လိုအပ်သည့် ဆေးဝါးများ တိုက်ကျွေး ပေးခဲ့ကြောင်း သိရသည်။
.
ဝမ်းပျက်ဝမ်းလျှောဖြစ်ပွားသူ ၁၆ ဦးတွင် ရောဂါအခြေအနေဆိုးရွားသူ
မရှိဘဲ အစားအသောက်နှင့် သောက်သုံးရေ နမူနာများကို ဓာတ်ခွဲစမ်းသပ် စစ်ဆေးသွားမည်ဖြစ်ကြောင်း
ပြည်နယ် ပြည်သူ့ကျန်းမာရေး ဦးစီးဌာန ထံက သိရသည်။
.
No comments:
Post a Comment