အသက် ၁၆ နှစ်အောက် ကလေးတွေကို ဆိုရှယ်မီဒီယာသုံးခွင့် ပိတ်မယ့် ဥပဒေကြမ်းကို ကနေဒါမှာ တင်သွင်း

.

၂၀၂၆ ခုနှစ်၊ ဇွန်လ ၁၁ ရက်

.

ကနေဒါအစိုးရ က နိုင်ငံတွင်းမှာ အသက် ၁၆ နှစ်အောက် ကလေးတွေအတွက် ဆိုရှယ်မီဒီယာသုံးခွင့် ပိတ်ပင် မယ့် ဥပဒေကြမ်းတစ်ရပ်ကို ဇွန်လ ၁၀ ရက်မှာ တင်သွင်းလိုက်ပါတယ်။ ဒီ ဥပဒေအရ ၁၆ နှစ်မပြည့်သေး သူတွေအနေနဲ့ သတ်မှတ်ထားတဲ့ ဝက်ဆိုက်တွေကိုသာ အသုံးပြုရမှာဖြစ်ပြီး အစိုးရရဲ့ တားမြစ်ထားတဲ့ ဆိုရှယ်မီဒီယာတွေကို သုံးခွင့်ရမှာ မဟုတ်ပါဘူး။

.

.

“Digital Safely Act” လို့ ခေါ်တဲ့ ဒီဥပဒေကြမ်းက ကလေးငယ်တွေအပေါ် ဆိုရှယ်မီဒီယာတွေရဲ့ ထိခိုက် နိုင်မှုကို တားဆီးသွားဖို့ ရည်ရွယ်ထားပြီး တင်းကြပ်စွာထိန်းချုပ်ဖို့ စီစဉ်ထားတာပါ။

.

“အွန်လိုင်းအန္တရာယ်တွေက ဘယ်လောက်ပြင်းထန်တဲ့အကျိုးဆက်တွေ ဖြစ်လာနိုင်တယ်ဆိုတာ ကျွန်တော်တို့ မြင်ခဲ့ရပြီးပါပြီ။ ကလေးတွေရဲ့လုံခြုံရေးကိုလည်း ထည့်စဉ်းစားရပါတော့မယ်” လို့ ကနေဒါ ယဉ်ကျေးမှုဝန်ကြီးဖြစ်တဲ့ မာ့ခ်မီလာ က ပြောဆိုထားပါတယ်။

.

ဥပဒေကို လိုက်နာဖို့ပျက်ကွက်ပြီး ကလေးတွေကို အသုံးပြုခွင့်ပေးတဲ့ ကုမ္ပဏီတွေအနေနဲ့ ကမ္ဘာလုံးဆိုင်ရာ ဝင်ငွေရဲ့ ၃ ရာခိုင်နှုန်း (သို့မဟုတ်) ကနေဒါဒေါ်လာ ၁၀ သန်းအထိ ဒဏ်ကြေးပေးရမယ်လို့လည်း ဥပဒေကြမ်းမှာပါရှိပါတယ်။

.

“လူမှုကွန်ယက်ပလက်ဖောင်းတွေက ကလေးတွေကို ကျန်းမာတဲ့၊ သာယာတဲ့ ဘဝမျိုးထက် စိုးရိမ်ပူပန်မှု၊ အထီးကျန်မှု၊ စိတ်ကျရောဂါနဲ့ အခြားစိတ်ကျန်းမာရေး ပြသနာတွေရဲ့ အရင်းအမြစ်တစ်ခု ဖြစ်လာနေ ပါတယ်” လို့ မီလာက ဆက်ပြောပါတယ်။

.

ကမ္ဘာပေါ်မှာ ၁၆ နှစ်အောက် ကလေးငယ်တွေကို ဆိုရှယ်မီဒီယာသုံးခွင့် ပထမဆုံး ပိတ်ပင်တဲ့နိုင်ငံက ဩစတြေးလျဖြစ်ပြီး ၂၀၂၅ ခုနှစ် ဒီဇင်ဘာကနေ ဥပဒေစတင်ပြဌာန်းခဲ့တာပါ။ ဥပဒေအသက်ဝင်ပြီး တစ်လအကြာမှာပဲ လူမှုကွန်ယက်ကုမ္ပဏီတွေက ၁၆ နှစ်အောက် ကလေးတွေ အသုံးပြုနေတဲ့ အကောင့်ပေါင်း ၅ သန်းကျော်ကို ပိတ်သိမ်းခဲ့ရတာဖြစ်ပါတယ်။

.

လက်ရှိမှာတော့ ပြင်သစ်၊ ဒိန်းမတ်နဲ့ ပိုလန်တို့ကလည်း လူငယ်တွေရဲ့ လူမှုကွန်ယက်အသုံးပြုမှုဆိုင်ရာ စည်းကမ်းတွေကို ပိုမိုတင်းကြပ်ဖို့ စီစဉ်နေကြပြီး ဂရိနိုင်ငံကလည်း ၂၀၂၇၊ ဇန်နဝါရီက စပြီး ၁၅ နှစ်အောက် လူငယ်တွေကို ဆိုရှယ်မီဒီယာအသုံးပြုခွင့် ပိတ်ပင်မယ်လို့ ကြေညာထားပါတယ်။

.

Source – CNN

.