.
၂၀၂၆ ခုနှစ်၊ အောက်တိုဘာလ ၁၆ ရက်
.
ရှမ်းပြည်နယ်မြောက်ပိုင်း၊ လားရှိုးမြို့တွင် ယမန်နေ့ အောက်တိုဘာလ
၁၅ ရက်၊ ညပိုင်းက တရားမဝင် အွန်လိုင်းလောင်းကစား ပြုလုပ်သူ ၄ ဦးကို သက်သေခံ လုပ်ငန်းသုံးပစ္စည်းများနှင့်အတူ
ဖမ်းဆီးရမိခဲ့ကြောင်း သိရသည်။
.
လားရှိုးမြို့၊ လားရှိုးကြီးရပ်ကွက်၊ နယ်မြေ (၁၉)၊ ဆင်းရွှေလီလမ်းသွယ်ရှိ
နေအိမ်တစ်လုံးတွင် အိမ်ငှား နေထိုင်သူများမှ
အွန်လိုင်းလောင်းကစားလုပ်ငန်း လုပ်ကိုင်နေကြောင်း သတင်းအရ လားရှိုးခရိုင် ရဲတပ်ဖွဲ့
ပါဝင်သော ပူးပေါင်းအဖွဲ့က ယမန်နေ့ အောက်တိုဘာလ ၁၅ ရက်၊ ည ၈ နာရီခန့်တွင် သွားရောက်
ရှာဖွေ ခဲ့ကြောင်း သိရသည်။
.
ထိုသို့ ရှာဖွေရာတွင် အမ်ပလိတ်၊ ညီတောင်း၊ အိုက်ဆာနှင့် ဆမ်ရုန်းတို့
၄ ဦးအား တရားမဝင် အွန်လိုင်း လောင်းကစားပြုလုပ်ရာတွင် အသုံးပြုသည့် ဆိုလာပြား ၁ ချပ်နှင့်
ဆက်စပ်ပစ္စည်းများ၊ WIFI စက် ၁ လုံး၊ လက်ကိုင်ဖုန်း ၆ လုံး၊ Laptop
၃ လုံးတို့နှင့်အတူ ဖမ်းဆီးရမိခဲ့ကြောင်း သိရသည်။
.
“ဖမ်းဆီးရမိတာ ဟုတ်ပါတယ်။ အွန်လိုင်းလိမ်လည်မှု တိုက်ဖျက်ရေးဥပဒေနဲ့
အမှုဖွင့်ထားပါတယ်” ဟု လားရှိုး နယ်မြေရဲစခန်းမှ တာဝန်ရှိသူတစ်ဦးက ပြောသည်။
.
အဆိုပါ ဖမ်းဆီးရမိသူ အမ်ပလိတ်၊ ညီတောင်း၊ အိုက်ဆာနှင့် ဆမ်ရုန်းတို့
၄ ဦးအား လားရှိုးနယ်မြေ ရဲစခန်းတွင် အွန်လိုင်းလိမ်လည်မှု တိုက်ဖျက်ရေးဆိုင်ရာဥပဒေ
ပုဒ်မ ၅၂/၅၃/၅၅ ဖြင့် အမှုဖွင့်အရေးယူ ဆောင်ရွက်လျက်ရှိကြောင်း သိရသည်။
.
No comments:
Post a Comment