ယူကျု့မှာ ကြည့်ရှုသူ ၂ ဒသမ ၅ ဘီလီယံ အမြန်ဆုံးရခဲ့တဲ့ သီချင်းအဖြစ် APT မှတ်တမ်းဝင်

BlackPink အဖွဲ့ဝင် ရို့စ်နဲ့ ဘရူနိုမားစ် တို့ရဲ့ APT သီချင်းကတော့ ယူကျု့မှာ ကြည့်ရှုသူ ၂ ဒသမ ၅ ဘီလီယံ အထိ ရောက်ရှိသွားခဲ့ပြီး ကမ္ဘာတစ်ဝှမ်း တေးသီချင်း ဗီဒီယိုတွေအနက် အဲဒီစံချိန်ကို ပဉ္စမမြောက် အမြန်ဆုံး ရောက်ရှိခဲ့တဲ့ တေးသီချင်းဗီဒီယို အဖြစ်လည်း မှတ်တမ်းဝင်သွားခဲ့ပါတယ်။

.
ဒီသီချင်းက ယူကျု့မှာ ထုတ်လွှင့်ခဲ့ပြီးတဲ့နောက် တစ်နှစ်၊ ၇ လနဲ့ ၇ ရက်အတွင်း ကြည့်ရှုသူပေါင်း ၂ ဒသမ ၅ ဘီလီယံ ရရှိသွားခဲ့တာပါ။ APT သီချင်းက အာရှအနုပညာရှင်တစ်ဦးရဲ့ တေးဂီတဗီဒီယိုတွေအနက် ၂ ဒသမ ၅ ဘီလီယံ ကြည့်ရှုမှုနှုန်းကို အမြန်ဆုံး ရခဲ့တဲ့ မှတ်တမ်းကိုလည်း ပိုင်ဆိုင်သွားခဲ့ပါတယ်။
.
APT ရဲ့အရှေ့မှာ ၂ ဒသမ ၅ ဘီလီယံ ကြည့်ရှုနှုန်းကို အမြန်ဆုံး ပိုင်ဆိုင်ခဲ့တဲ့ တေးသီချင်း ဗီဒီယိုတွေကတော့ လူးဝစ်ဖွန်ဆီ ရဲ့ “Despacito”၊ အက်ဒ်ရှီယန်ရဲ့ “Shape of You”၊ မာရွန်း ဖိုက် ရဲ့ “Girls like you”၊ ဂျက်စတင်ဘီဘာရဲ့ “Sorry” တို့ ဖြစ်ကြပါတယ်။
.
ရို့စ်နဲ့ ဘရူနိုမားစ်က APT အောင်မြင်ပြီးတဲ့နောက် နောက်ထပ် သီချင်းတစ်ပုဒ်ကို နှစ်ယောက် ပေါင်းပြီး လုပ်နေသေးတဲ့ အကြောင်း အသိပေးခဲ့ပေမယ့်လည်း လက်ရှိ အချိန်အထိတော့ သီချင်းအသစ်က ထွက်လာခြင်း မရှိသေးပါဘူး။
.
Source : KoreaBoo

.
#KBZTai #Shan #Kpop #Entertainment