ဂျပန်ဂီတအဖွဲ့အစည်းရဲ့ ပလက်တီနမ် မှတ်တမ်းဆုကို BlackPink နဲ့ BTS တို့ သိမ်းပိုက်

.

၂၀၂၆ ခုနှစ်၊ မေလ ၂၂ ရက်

.

ဂျပန်နိုင်ငံရဲ့နာမည်ကျော်တေးဂီတအဖွဲ့အစည်းဖြစ်တဲ့ (RIAJ) ရဲ့ပလက်တီနမ်မှတ်တမ်းဆုကို တောင်ကိုရီးယား အမျိုးသမီးကေပေါ့ပ်အဖွဲ့ဖြစ်တဲ့ BlackPink နဲ့ အမျိုးသား ကေပေါ့ပ်အဖွဲ့ဖြစ်တဲ့ BTS တို့က ရရှိသွားခဲ့ကြပါတယ်။

.

.

RIAJ ဆိုတာက ဂျပန်မှာ ဩဇာကြီးတဲ့ ဂီတအဖွဲ့အစည်းတစ်ခုဖြစ်ပြီး အမေရိကန်ရဲ့တေးသံသွင်းအဖွဲ့အစည်း RIAA နဲ့တောင် နှိုင်းယှဉ်ပြီး ပြောရတဲ့အနေအထားပါ။

.

RIAJ က ၂၀၂၀ ခုနှစ်က စတင်ပြီး အွန်လိုင်းကနေ သီချင်းထုတ်လွှင့်မှုတွေအတွက် အစီအစဉ်သစ်တစ်ခုကို စတင်ခဲ့ပါတယ်။ အဲဒီစနစ်အရ သီချင်းတစ်ပုဒ်အနေနဲ့ နားဆင်မှုအကြိမ်ရေ သန်း ၃၀ ကျော်ရင် ငွေအဆင့်၊ သန်း ၅၀ ကျော်ရင် ရွှေအဆင့်နဲ့ သန်း ၁၀၀ ကျော်ရင်တော့ ပလက်တီနမ်အဆင့် ဆိုပြီး သတ်မှတ်ခဲ့တာပါ။

.

ဒီလထဲမှာပဲ ၂၀၁၈ ခုနှစ်မှာ ထွက်ရှိခဲ့တဲ့ BTS ရဲ့ “Let Go” သီချင်းနဲ့ BlackPink ရဲ့ ၂၀၁၇ ခုနှစ်ထွက် “As if it’s Your last” ဂျပန်ဗားရှင်းသီချင်းတွေက နားဆင်မှုအရေအတွက် သန်း ၁၀၀ ကျော်သွားခဲ့တာကြောင့် ပလက်တီနမ်အသိအမှတ်ပြုလက်မှတ်ကို ရရှိသွားကြတာပဲဖြစ်ပါတယ်။

.

ကေပေါ့ပ်ပရိသတ်တွေကတော့ RIAJ မှာ ပလက်တီနမ်အဆင့် ရသွားတာက ကြီးကျယ်တဲ့ အဆင့်တစ်ခုပဲ ဖြစ်ပြီး ဂျပန်ဈေးကွက်မှာ ကေပေါ့ပ်အဖွဲ့တွေရဲ့ လွှမ်းမိုးမှု ဘယ်လောက်ရှိတယ်ဆိုတာကို မြင်တွေ့နေကြရ တာလည်း ဖြစ်ပါတယ်။

.

ဂျပန်နိုင်ငံမှာတော့ Twice နဲ့ Blackpink တို့က လူကြိုက်အများဆုံး အမျိုးသမီးကေပေါ့ပ်အဖွဲ့နေရာကို လုနေကြပြီး စစ်တမ်းတွေအရတော့ မန်ဘာတွေထဲမှာ ဂျပန်မန်ဘာ ၃ ဦးပါဝင်တဲ့ Twice က ထိပ်ဆုံး နေရာမှာ ရှိနေတာပါ။

.