ပရီးမီးယားလိဂ် တစ်နှစ်တာ အကောင်းဆုံးကစားသမား ဆုကို ဘရူနိုဖာနန်ဒက်စ် ဆွတ်ခူး

ဒီရာသီ ပရီးမီးယားလိဂ်ရဲ့ တစ်နှစ်တာ အကောင်းဆုံး ကစားသမားဆုကို မန်ယူ အသင်းခေါင်းဆောင် ဘရူနို ဖာနန်ဒက်စ်က ဆွတ်ခူးသွားခဲ့ပါတယ်။ ဘရူနိုက ဒီဆုအတွက် အာဆင်နယ်ကစားသမားတွေနဲ့ မန်စီးတီး ကစားသမားတွေကို ကျော်ဖြတ်ခဲ့ရပြီး မန်စီးတီးရဲ့ ချာကီ၊ အာဆင်နယ်ရဲ့ ရိုက်စ် တို့ဟာ အကောင်းဆုံး ဆုအတွက် ဘရူနိုနည်းတူ ရေပန်းစားခဲ့ကြတာပါ။
.
ဒီရာသီ ပရီးမီးယားလိဂ်မှာ ၈ ဂိုး သွင်းပြီး ဂိုး ဖန်တီးမှုအကြိမ် ၂၀ ပြုလုပ်ကာ ဂိုး ဖန်တီးမှု စံချိန်တစ်ခု ရယူခဲ့တဲ့ ဘရူနိုက ပရီးမီးယားလိဂ် ချန်ပီယံ ဖြစ်သွားတဲ့ အာဆင်နယ် ကွင်းလယ်လူ ရိုက်စ်နဲ့ ဒီဆုအတွက် လုခဲ့ကြရတာပါ။
.
ဘရူနိုဟာ အားကစား ကလောင်ရှင်တွေက ရွေးချယ် ချီးမြင့်တဲ့ ပရီးမီးယားလိဂ် တစ်နှစ်တာ အကောင်းဆုံး ကစားသမား ဆု၊ The Athletic က ပရီးမီးယားလိဂ် သတင်းထောက်တွေ ရွေးချယ်တဲ့ အကောင်းဆုံး ကစားသမား ဆုတွေကိုပါ ရရှိခဲ့ပြီး အခုနောက်ဆုံးမှာ တစ်နှစ်တာ အကောင်းဆုံး ကစားသမားဆုကိုပါ ဆက်လက် ပိုင်ဆိုင်ခဲ့တာပါ။
.
ပရီးမီးယားလိဂ်ရဲ့ တစ်နှစ်တာ အကောင်းဆုံး ကစားသမားဆုကို အဆင့် ၂ ဆင့် ပေါင်းပြီး ရွေးချယ် ဆုံးဖြတ်တာ ဖြစ်ပါတယ်။ ပထမအဆင့်မှာ ပရိသတ်တွေက အွန်လိုင်း မဲပေးမှုနဲ့ မဲပေးရတာပါ။ ဒုတိယ အဆင့်မှာတော့ ဘောလုံး ကျွမ်းကျင်သူတွေ ဖြစ်ကြတဲ့ ဘောလုံးပွဲ သုံးသပ်သူတွေ၊ ခန့်မှန်းသူတွေ၊ ကစားသမားဟောင်းတွေနဲ့ သတင်းထောက်တွေက မဲပေးကြတာပါ။ နောက်ဆုံးရလာဒ်ကိုတော့ ပရိသတ်မဲနဲ့ ကျွမ်းကျင်သူတွေရဲ့ မဲ နှစ်ခုကို ပေါင်းစပ် တွက်ချက်ပြီး ကြေညာတာ ဖြစ်ပါတယ်။
.
#KBZTai #Shan #Football #ManU #Bruno