ကွန်ဂိုမှာ အီဘိုလာကြောင့် သေဆုံးသူ ၂ ဆ မြင့်တက်လာပြီး အန္တရာယ်အမြင့်ဆုံး အဆင့်လို့ သတ်မှတ်ခံထားရ

ကွန်ဂိုနိုင်ငံမှာ အီဘိုလာကြောင့် သေဆုံးသူ ၂ ဆ နီးပါး မြင့်တက်လာပြီးတဲ့နောက် နိုင်ငံတွင်း ရောဂါ ပျံ့နှံ့မှုအတွက် အန္တရာယ်အဆင့်ကို အမြင့်ဆုံးအဆင့် အဖြစ် ကမ္ဘာ့ကျန်းမာရေးအဖွဲ့(WHO) က သတ်မှတ်လိုက်ပါတယ်။

.
လက်ရှိမှာတော့ ကွန်ဂိုနိုင်ငံတွင်းမှာ အီဘိုလာကြောင့် သေဆုံးသူ ၁၇၇ ဦး ကျော်သွားခဲ့ပြီ ဖြစ်ပြီး သံသယရှိ ရောဂါကူးစက်မှု ၇၅၀ နီးပါး ရှိသွားခဲ့ပါပြီ။
.
ကျွမ်းကျင်သူတွေကတော့ ဒီရောဂါ ဟာ အချိန်တစ်ခု ကြာတဲ့အထိ တိတ်တဆိတ် ပျံ့နှံ့နေခြင်းဖြစ်တဲ့ အကြောင်း မှတ်ချက် ပေးထားကြပြီး အီဘိုလာရဲ့ ရှားပါးတဲ့ မျိုးကွဲလို့လည်း သတ်မှတ်ထားကြတာပါ။ ဒီ ရှားပါး မျိုးကွဲအတွက် ကာကွယ်ဆေး ရှာ မတွေ့သေးသလို၊ ကုသနိုင်မှုလည်း မရှိသေးပါဘူး။
.
ကျန်းမာရေးဝန်ထမ်းတွေက ရောဂါပျံ့နှံ့မှု အခြေအနေကို လက်လှမ်းမီဖို့ ခက်ခက်ခဲခဲ ကြိုးပမ်းနေကြရပြီး ကူးစက်ခံရတယ်လို့ ယူဆရသူတွေကို ရှာဖွေဖို့ ကြိုးစားနေကြပေမယ့် တချို့ နေရာတွေက လုံခြုံရေးအရ အန္တရာယ်ရှိတဲ့ နေရာတွေ ဖြစ်နေကြတာပါ။
.
ကွန်ဂိုမှာ အလုပ်လု ပ်နေတဲ့ အမေရိကန်နိုင်ငံသား တစ်ဦးမှာ အီဘိုလာ ရောဂါပိုး တွေ့ရှိခဲ့တာကြောင့် ကုသမှုခံယူဖို့ ဂျာမနီကို ပို့ထားရပြီး ထိတွေ့သူအဖြစ် သတ်မှတ်ထားတဲ့ အခြား အမေရိကန် တစ်ဦးကိုလည်း ချက်သမ္မတနိုင်ငံဆီကို ပို့လိုက်ရပါတယ်။
.
လက်ရှိမှာတော့ ကွန်ဂိုနိုင်ငံကနေ တစ်ဆင့် ရောက်လာတဲ့ ခရီးသွားတွေကို ပြည်ဝင်ခွင့် ကန့်သတ်နေကြပြီး ကြိုတင် ကာကွယ်မှုတွေ ပြုလုပ်နေကြပါတယ်။
.
ကုသမှုနဲ့ ကာကွယ်ဆေး မရှိသေးတဲ့ အခြေအနေ ဖြစ်တာကြောင့် ရောဂါ ကူးစက်သူတွေနဲ့ ထိတွေ့ ခံရသူတွေကို ရှာဖွေပြီး ၂၁ ရက် သီးခြားခွဲထားခြင်းကသာ အကောင်းဆုံး တားဆီးနည်း ဖြစ်တဲ့အကြောင်း ကွန်ဂို ရဲ့ WHO ကိုယ်စားလှယ် အန်ဆီယာ က ဆိုပါတယ်။

.
#KBZTai #Shan #Congo #Ebola #International