ရှမ်းပြည်နယ်မြို့တော်၊ တောင်ကြီးမြို့၌ ပြီးခဲ့သည့် အမျိုးသားတစ်ဦး မိသားစုနှင့် အဆက်အသွယ်မရဘဲ ပျောက်ဆုံးနေသည်မှာ ၂၄ ရက်ကြာ ရှိပြီ ဖြစ်ကြောင်း သိရသည်။
.
ပျောက်ဆုံးသူမှာ ကံသာရပ်ကွက်၊ နယ်မြေ(၁)၊ မြမဉ္ဇူလမ်းတွင် နေထိုင်သည့်
အသက် ၄၄ နှစ်အရွယ် ကိုဇော်မင်းနိုင် (ခ) ကိုဂျက်လုံး ဆိုသူ ဖြစ်ပြီး မေလ ၃ ရက်နေ့၊
နံနက် (၃)နာရီအချိန်ခန့်က နေအိမ်မှ ထွက်သွားခဲ့ပြီးယနေ့အထိ အဆက်အသွယ်မရဘဲ
ပျောက်ဆုံးနေခြင်းဖြစ်ကြောင်း သိရသည်။
.
“ အဝတ် တစ်ထည် ကိုယ်တစ်ခုနဲ့ပဲ ထွက်သွားတာ။ ဖုန်းလည်း မပါသွားဘူး၊
မှတ်ပုံတင်တောင် မပါသွားတာမို့ အခုလို ပျောက်နေတာကို
စိတ်ပူနေတာ” ဟု မိသားစုဝင် တစ်ဦးက ပြောသည်။
.
လက်ရှိတွင် မိသားစုဝင်များက ၎င်းသွားလာတတ်သည့် နေရာများတွင် လိုက်လံ
ရှာဖွေနေလျက်ရှိပြီး လူပျောက် တိုင်ကြားရန်အတွက်လည်း
စီစဉ်နေကြောင်းသိရ သည်။
.
အဆိုပါ ကိုဇော်မင်းနိုင် အား တွေ့ရှိသူများ အနေဖြင့် ဖုန်းနံပါတ် ၀၉၄၂၈၃၁၁၃၉၆
သို့ ဆက်သွယ် ပေးရန်အတွက် မိသားစုက မေတ္တာရပ်ခံထားသည်။
.
#KBZTai #Shan #Taunggyi #လူပျောက်
No comments:
Post a Comment