ကိုးကန့်ဒေသမှ အွန်လိုင်းလိမ်လည်မှုများနှင့် ဆက်စပ်သည့် အဓိက သံသယရှိသူများကို တရုတ်နိုင်ငံတွင် ရုံးတင် စစ်ဆေး

.

၂၀၂၆ ခုနှစ်၊ မေလ ၂၃ ရက်

.

ရှမ်းပြည်နယ်မြောက်ပိုင်း၊ ကိုးကန့်ဒေသမှ အွန်လိုင်းလိမ်လည်မှုများနှင့် ဆက်စပ်နေသည့် အဓိက သံသယ ရှိသူများကို တရုတ်နိုင်ငံအရှေ့ပိုင်း၊ ဖူကျန်းပြည်နယ်၊ ကွမ်ကျိုးမြို့ရှိ ပြည်သူ့တရားရုံးတွင် ရုံးတင်စစ်ဆေး ခဲ့ကြောင်း ဆင်ဟွာသတင်းတွင် ဖော်ပြထားသည်။

.

.

တရုတ်နိုင်ငံသား ၄ ဦးကို သတ်ဖြတ်မှု အပါအဝင် အခြားစွဲချက်များစွာဖြင့် ရုံးတင်စစ်ဆေးနေသည့် အဆိုပါ သံသယရှိသူများတွင် ကိုးကန့်ဒေသမှ ဝေဟွာရန်နှင့် ချန်တာဝေတို့ ပါဝင်ပြီး ၎င်းတို့ကို ကွမ်ကျိုးမြို့ရှိ ပြည်သူ့ တရားရုံးတွင် မေလ ၁၉ ရက်မှ ၂၂ ရက်အထိ ကြားနာစစ်ဆေးခဲ့ခြင်းဖြစ်ကြောင်း သိရသည်။

.

တရားလိုရှေ့နေများ၏ အဆိုအရ ဝေနှင့် ၎င်း၏မိသားစုသည် မြန်မာနိုင်ငံ ကိုးကန့်တွင် ၎င်းတို့၏ စစ်ရေးနှင့် နိုင်ငံရေးသြဇာလွှမ်းမိုးမှုကို အသုံးချကာ တရုတ်နိုင်ငံရှိ လူများကို ပစ်မှတ်ထားသည့် ဆက်သွယ်ရေး လိမ်လည်မှုလုပ်ငန်းများကို ပြုလုပ်ရန် ရာဇဝတ်ကောင်များစွာကို တည်ထောင်ခဲ့ပြီး တရားမဝင် အမြတ်ငွေ ယွမ် ၂ ဒသမ ၄ ဘီလီယံ၊ အမေရိကန်ဒေါ်လာ ၃၅၃ သန်းအထိ ရရှိခဲ့သည်ဟု ဆိုသည်။

.

ထို့အပြင် ၎င်းတို့သည် စပွန်ဆာများအတွက် လက်နက်ကိုင်ကာကွယ်မှုလည်း ပေးခဲ့ပြီး တရုတ် နိုင်ငံသား ၂ ဦး ကို သတ်ဖြတ်ခဲ့ကြောင်းနှင့် ချန်နှင့် ကြံရာပါများကို ရည်ရွယ်ချက်ရှိရှိ လူသတ်မှုကျူးလွန်ပြီး နောက်ထပ် တရုတ်နိုင်ငံသားနှစ်ဦး သေဆုံးစေခဲ့သည်ဟု စွပ်စွဲထားသည်။

.

အစိုးရရှေ့နေများသည် ဝေဟာရန် နှင့် အခြားတရားခံများအပေါ် လိမ်လည်မှု၊ ရည်ရွယ်ချက်ရှိရှိ လူသတ်မှု နှင့် အခြားပြစ်မှုများဖြင့် ရာဇ၀တ်မှုဆိုင်ရာ တာဝန်ယူမှုကို တောင်းဆိုထားကြသည်။

.

တရားခွင်တွင် အစိုးရရှေ့နေများက သက်သေအထောက်အထားများကို တင်ပြခဲ့ပြီး တရားခံများက ၎င်းတို့၏ သက်ဆိုင်ရာ နောက်ဆုံးထွက်ဆိုချက်များကို ပြုလုပ်ခဲ့ကြောင်း သိရသည်။

.

အဆိုပါ တရားစီရင်မှုကို တရုတ်ဥပဒေပြုအမတ်များ၊ နိုင်ငံရေးအကြံပေးများ၊ သတင်းထောက်များ၊ ပါဝင်ပတ်သက်သူများ၏ မိသားစုဝင်များနှင့် ပြည်သူများသည် တရားရုံးလုပ်ငန်းစဉ်များကို လေ့လာ ခဲ့ကြကြောင်း ဆင်ဟွာသတင်းတွင် ဖော်ပြထားသည်။

.