အား အနည်းငယ် ရှိသော အယ်လ်နီညို အခြေအနေသို့ ရောက်နိုင်ကြောင်း မိုးဇလ အသိပေး

.

၂၀၂၆ ခုနှစ် ၊ မေလ ၂၁ ရက်

.

နိုင်ငံတကာ မိုးလေဝသဌာနများ၏ သင်္ချာပုံစံပြု မော်ဒယ်များ ခန့်မှန်းချက်အရ လာမည့် ဇွန်လမှ စတင်၍ အား အနည်းငယ်ရှိသော အယ်လ်နီညို အခြေအနေသို့ ရောက်ရှိနိုင်ကြောင်း မိုးလေဝသနှင့် ဇလဗေ ဒညွှန်ကြားမှု ဦးစီးဌာနက ယနေ့ မေလ ၂၁ ရက်တွင် ထုတ်ပြန်ထားသည်။

,

.

ထို့အတူ လာမည့် ၂၀၂၆ ခုနှစ် နှစ်ကုန်ပိုင်းတွင် အားကောင်းသော အယ်လ်နီညို အခြေအနေသို့ ရောက်ရှိနိုင်သည်ဟုလည်း မိုးလေဝသနှင့် ဇလဗေဒညွှန်ကြားမှု ဦးစီးဌာနက ခန့်မှန်းထားသည်။

.

အယ်လ်နီညို ဖြစ်စဉ်သည် ပစိဖိတ်သမုဒ္ဒရာတွင် ဖြစ်ပေါ်သည့် ဖြစ်စဉ် ဖြစ်သော်လည်း ယင်း အယ်လ်နီညို ဖြစ်စဉ်ကြောင့် အကျိုး သက်ရောက်မှုမှာ ယေဘုယျအားဖြင့် မိုးရွာသွန်းမှု မူ မမှန်ခြင်း၊ နေ့ အပူချိန်များ မြင့်မားခြင်း၊ မုန်တိုင်းဖြစ်ပေါ်မှုများ မူ မမှန်ခြင်း၊ မိုးခေါင် ရေရှားခြင်း စသည့် အစွန်းရောက် မိုးလေဝသဖြစ်စဉ်များ ဖြစ်ပေါ်နိုင်ကြောင်း သိရသည်။

.

ပြည်သူများ အနေဖြင့် ကဏ္ဍများအလိုက် ကြိုတင် ပြင်ဆင်နိုင်ကြရန်နှင့် အယ်လ်နီညို ဖြစ်ပေါ်မှုနှင့် ပတ်သက်သည့် အခြေအနေများအား အချိန်နှင့် တပြေးညီ ဆက်လက် ထုတ်ပြန်မည် ဖြစ်ကြောင်း မိုးလေဝသနှင့် ဇလဗေဒညွှန်ကြားမှု ဦးစီးဌာနက အသိပေး ထုတ်ပြန်ထားသည်။

.