မြန်မာနိုင်ငံအတွင်း စားနပ်ရိက္ခာနှင့် အာဟာရ အထောက်အပံ့တွက် EU နှင့် WFP တို့က ယူရို ၈ သန်း ထောက်ပံ့ကူညီ

မြန်မာနိုင်ငံအတွင်း အရေးပေါ်လိုအပ်နေသည့် စားနပ်ရိက္ခာနှင့် အာဟာရ အထောက်အပံ့အတွက် ဥရောပ သမဂ္ဂ (EU) နှင့် ကမ္ဘာ့စားနပ်ရိက္ခာအစီအစဉ် (WFP) တို့က ယူရို ၈ သန်း ထောက်ပံ့ကူညီလိုက်ကြောင်း WFP က ယမန်နေ့ မေလ ၁၈ ရက်တွင် ထုတ်ပြန်ထားသည်။
.
လက်ရှိ မြန်မာနိုင်ငံအတွင်း လူ ၄ ယောက်တွင် ၁ ယောက်နှုန်းဖြင့် စုစုပေါင်း လူဦးရေ ၁၂ ဒဿမ ၄ သန်း သည် လတ်တလော ဆာလောင်မွတ်သိပ်မှုဒဏ်ကို ရင်ဆိုင်နေရပြီး၊ လူဦးရေ ၃ ဒဿမ ၇ သန်းသည်လည်း ဆက်လက်ဖြစ်ပွားနေဆဲ ပဋိပက္ခများကြောင့် နေရပ်စွန့်ခွာတိမ်းရှောင်နေကြရကြောင်း WFP ၏ ထုတ်ပြန် ချက်တွင် ဖော်ပြထားသည်။
.
အခြေခံစားသောက်ကုန်ဈေးနှုန်းများမှာ တစ်နိုင်ငံလံးအတိုင်းအတာ အနေဖြင့် ၁၈ ရာခိုင်နှုန်းအထိ မြင့်တက် နေပြီး မကွေးတိုင်းဒေသကြီးတွင် ၃၈ ရာခိုင်နှုန်း၊ ကရင်ပြည်နယ်တွင် ၃၂ ရာခိုင်နှုန်းနှင့် ရခိုင်ပြည်နယ်တွင် ၃၁ ရာခိုင်နှုန်း အသီးသီး မြင့်တက်နေကြောင်း သိရသည်။
.
EU ၏ ယခုထောက်ပံ့မှုမှတစ်ဆင့် ပဋိပက္ခဖြစ်စဉ်များကြောင့် နေရပ်စွန့်ခွာရသူမှုများ၊ စားနပ်ရိက္ခာ အခက် အခဲများကြောင့် ထိခိုက်ခံစားနေရသော မိသားစုများအတွက် အရေးပေါ် စားနပ်ရိက္ခာ အကူအညီများ ပေးအပ်သွားမည်ဖြစ်ပြီး ကိုယ်ဝန်ဆောင်နှင့် နို့တိုက်မိခင်များအတွက်လည်း အထူးအာဟာရများ ထောက်ပံ့ ပေးအပ်သွားမည်ဖြစ်ကြောင်း သိရသည်။
.
ထို့အတူ စားနပ်ရိက္ခာဖူလုံရေးအတွက် အဖွဲ့အစည်းများအကြား ပေါင်းစပ်ညှိနှိုင်းမှု မြှင့်တင်နိုင်ရေးကိုလည်း ဆောင်ရွက်သွားမည်ဖြစ်ပြီး EU နှင့် WFP အနေဖြင့် မြန်မာနိုင်ငံအတွင်း ဆာလောင်မွတ်သိပ်မှု ကင်းဝေး စေရေးအတွက် ခိုင်မာသော မိတ်ဖက်များအဖြစ် ဆက်လက်တည်ရှိနေမည်ဖြစ်ကြောင်း WFP က ထုတ်ပြန်ထားသည်။
.
#KBZTai #Local #WFP