MNDAA အနေဖြင့် လက်နက်အင်အား အလွန်အကျွံ အသုံးပြုလာခြင်းကို ကန့်ကွက်ရှုတ်ချကြောင်း သျှမ်းလူငယ်ကွန်ဂရက် ထုတ်ပြန်

ကိုးကန့်တပ်ဖွဲ့ (MNDAA) အနေဖြင့် နယ်မြေချဲ့ထွင်ခြင်းနှင့် အုပ်ချုပ်စီမံမှုဆိုင်ရာ ကိစ္စရပ်များတွင် လက်နက်အင်အား အလွန်အကျွံ အသုံးပြုလာခြင်းကို ကန့်ကွက်ရှုတ်ချကြောင်း သျှမ်းလူငယ်ကွန်ဂရက် (DYC) က ပြီးခဲ့သည့် မေလ ၂၅ ရက်တွင် ထုတ်ပြန်ခဲ့သည်။
.
နဂိုမူလ ကိုးကန့်လူမျိုးများ အများစုနေထိုင်ရာဒေသများကို ကျော်လွန်၍ နယ်မြေချဲ့ထွင်စီမံဆောင်ရွက်နေမှု လမ်းစဉ်များ မှားယွင်းသော စီမံခန့်ခွဲမှုစနစ်များနှင့် လက်နက်ဖြင့် ခြိမ်းခြောက်လုပ်ဆောင်နေမှုများကြောင့် နယ်မြေအတွင်း လူမျိုးရေးပဋိပက္ခများနှင့် ပြဿနာများ ဖြစ်ပေါ်လျက်ရှိသည်ဟု DYC က ဆိုသည်။
.
သျှမ်းလူငယ်ကွန်ဂရက် (DYC) သည် “ဖက်ဒရယ်စနစ်နှင့် ကိုးကန့်တပ် (MNDAA) ၏ လားရာ” ခေါင်းစဉ်ဖြင့် MNDAA ၏ အုပ်ချုပ်ရေးနှင့် မြေယာသိမ်းဆည်းမှုဆိုင်ရာ ပြဿနာများ၊ လူ့အခွင့်အရေးနှင့် လူမှုစီးပွားဆိုင်ရာ ပြဿနာများကို ထုတ်ပြန်ချက်တွင် အသေးစိတ် ဖော်ပြထားသည်။
.
တော်လှန်ရေးကို အကြောင်းပြုကာ ပြည်သူလူထုကို ဒုက္ခတွင်းသက်ဆင်းစေသည့် လွဲမှားသော လုပ်ရပ်များနှင့် စီမံ ခန့်ခွဲမှုများကို ပြင်းထန်စွာ ရှုတ်ချကန့်ကွက်ထားသည်ဟုလည်း ထုတ်ပြန်ချက်တွင် တွေ့ရသည်။

.

ရှမ်းပြည်နယ်အတွင်း ယင်းကဲ့သို့သော လုပ်ရပ်များ ဆက်လက် လုပ်ဆောင်နေမှုကို MNDAA အနေဖြင့် အမြန်ဆုံး ပြန်လည် သုံးသပ်ပြီး ဒေသခံလူထုနှင့် လိုက်လျောညီထွေ ဖြစ်မည့်၊ တရားမျှတမှု ရှိမည့် ဒီမိုကရေစီစံနှုန်း၊ ဖက်ဒရယ်စံနူန်းများနှင့် ကိုက်ညီသည့် စီမံဆောင်ရွက်မှုများကိုသာ ရှေးရှုလုပ်ဆောင်သွားရန်ဟု သျှမ်းလူငယ်ကွန်ဂရက် (DYC) က တိုက်တွန်းထားသေးသည်။

.

#KBZTai  #Shan  #DYC  #MNDAA