တိုက်စစ်မှူးသစ်တစ်ယောက် ထပ်မံခေါ်ယူလိုက်တဲ့ ရှမ်းယူနိုက်တက်အမျိုးသမီးအသင်း

.

၂၀၂၆ခုနှစ်၊ ဇွန်လ ၁၁ ရက်

.

ရှမ်းယူနိုက်တက် အမျိုးသမီးအသင်းကတော့ ရာသီသစ်အတွက် ဒုတိယမြောက် ကစားသမား ခေါ်ယူမှုအဖြစ် မြဝတီအမျိုးသမီးအသင်း တိုက်စစ်မှူး ဝင်းသူဇာအောင် ကို ခေါ်ယူအားဖြည့်လိုက်ပါတယ်။

.

.

မန္တလေးတိုင်းဒေသကြီး၊ သာစည်မြို့နယ်ဇာတိဖြစ်တဲ့ ဝင်းသူဇာအောင်က အသက် ၁၉ နှစ်သာ ရှိသေးပြီး တိုက်စစ်နေရာစုံမှာ ကစားနိုင်တဲ့ ကစားသမားပါ။

.

၂၀၂၄ ခုနှစ်က စလို့ မြဝတီအသင်းအတွက် ကစားပေးခဲ့သူဖြစ်ပြီး ၂ ရာသီကြာ ကာလအတွင်းမှာ အသင်း အတွက် အရေးပါတဲ့ ကစားသမား ဖြစ်လာခဲ့သူပါ။

.

ဒါ့အပြင် AFC အမျိုးသမီးချန်ပီယံလိဂ်ပွဲမှာလည်း မြဝတီအသင်းနဲ့အတူ ခြေစစ်ပွဲ ဝင်ရောက်ယှဉ်ပြိုင်ထားတဲ့ အတွေ့အကြုံကောင်း တွေကိုလည်း ပိုင်ဆိုင်ထားသူတစ်ယောက်ပါ။

.

အဆုံးသတ်ပိုင်း ကောင်းမွန်မှု၊ အမြန်နှုန်းနဲ့ ကစားနိုင်မှုတွေကြောင့် အလားအလာရှိတဲ့ လူငယ်တိုက်စစ် ကစားသမား တစ်ယောက်အဖြစ် သတ်မှတ်ခြင်းခံထားရတဲ့ ဝင်းသူဇာအောင်က လာမယ့် ၂၀၂၆-၂၇ မြန်မာနေရှင်နယ်လိဂ် အမျိုးသမီး ဘောလုံးရာသီမှာ ရှမ်းယူနိုက်တက်အသင်းနဲ့ ပူးပေါင်းပြီပဲဖြစ်ပါတယ်။

.

ရှမ်းယူနိုက်တက်အသင်းကို ရောက်ရှိလာခဲ့ခြင်းနဲ့ ပတ်သက်ပြီး ဝင်းသူဇာအောင်က “ကျွန်တော့်ကို ယုံယုံ ကြည်ကြည်နဲ့ ခေါ်ယူပေးတဲ့ ရှမ်းယူနိုက်တက် အမျိုးသမီးအသင်း တာဝန်ရှိသူတွေကို ကျေးဇူးတင်ပါတယ်။ အတွေ့အကြုံကောင်းတွေကို သင်ပြပေးမယ့် နည်းပြအဖွဲ့ကိုလည်း ကျေးဇူးတင်ပါတယ်။ ရှမ်းယူနိုက်တက်က ပရိသတ်အား ရှိပြီးသားအသင်း ဖြစ်တာကြောင့် အမျိုးသမီးအသင်းကိုလည်း ဆက်လက် အားပေးကြပါဦးလို့ ပြောချင်ပါတယ်” လို့ ပြောဆိုသွားခဲ့ပါတယ်။

.

ရှမ်းယူနိုက်တက်အသင်းအတွက်တော့ ဝင်းသူဇာအောင်က ရာသီသစ်မတိုင်မီ ဒုတိယမြောက်ခေါ်ယူထားတဲ့ ကစားသမားသစ်ဖြစ်ခဲ့ပြီး သူ့ရဲ့အရှေ့မှာ ရန်ကုန်စီးတီး အမျိုးသမီးအသင်းရဲ့ကွင်းလယ်လူ မေသင်ဇာ ကို ရှမ်းယူနိုက်တက်တို့ ခေါ်ယူအားဖြည့် ထားခဲ့ပါသေးတယ်။

.