အမေရိကန်-အီရန်ကြားကို ဝင်ညှိပေးတဲ့ ပါကစ္စတန် ဘာတွေရသွားသလဲ

.

၂၀၂၆ ခုနှစ်၊ ဇွန်လ ၁၄ ရက်

.

အမေရိကန်နဲ့အီရန်စစ်ပွဲမှာ အမြတ်အထွက်ဆုံးနိုင်ငံကို ပြပါဆိုရင် ပါကစ္စတန်ကို ပြရဖို့ပါပဲ။ နှစ်ဖက်စလုံးက ကမ္ဘာနဲ့ချီပြီး မေတ္တာအပို့ခံနေရချိန်မှာ ပါကစ္စတန်ကတော့ ဒီစစ်ပွဲပြီးဖို့ ဝင်ရောက်ဖြေရှင်းသူ နေရာကနေ ရှိနေပြီး သူတို့ရဲ့လုပ်ဆောင်မှုတွေအပေါ် အားလုံးရဲ့အသိအမှတ်ပြုခြင်းကို ခံနေရတယ်။

.

.

တကယ်လည်း ပါကစ္စတန်က အမေရိကန်-အီရန် အရေးကို တက်တက်ကြွကြွ ဝင်ညှိနေတာဖြစ်ပြီး ပါကစ္စတန် ဝန်ကြီးချုပ်ကိုယ်တိုင်ကပါ ပို့စ်တွေတင်၊ ဖုန်းတွေဆက် လုပ်နေတဲ့အထိ အားထည့်ထားကြ တာပါ။

.

ဒီလို ဝင်ပါနေတယ်ဆိုပေမဲ့ ပါကစ္စတန် အနေနဲ့လည်း သူ့နိုင်ငံတွင်းမှာ သာယာနေတာတော့ မဟုတ်ပါဘူး။ စိန်ခေါ်မှုတွေ အပြည့်နဲ့ လှုပ်ရှားနေရတာပါ။ ပါကစ္စတန်အနောက်ပိုင်း ဒေသတွေမှာ လက်နက်ကိုင်အဖွဲ့တွေ၊ ခွဲထွက်ရေးအဖွဲ့တွေရဲ့ အကြမ်းဖက်တိုက်ခိုက်မှုတွေ ဆက်ရှိနေသေးပြီး TTP ၊ ဘာလို့ခ် တို့လို လက်နက်ကိုင် အဖွဲ့တွေက စစ်တပ်၊ ရဲတပ်ဖွဲ့နဲ့ အစိုးရအခြေခံအဆောက်အအုံတွေကို ပစ်မှတ်ထား တိုက်ခိုက်နေကြတာပါ။

.

၂၀၂၂-၂၀၂၄ ကာလအတွင်း ပါကစ္စတန်က ကြီးမားတဲ့ငွေကြေးအကျပ်အတည်းနဲ့ ရင်ဆိုင်ခဲ့ရပြီး နိုင်ငံတွင်း ငွေကြေးတန်ဖိုး ကျဆင်းခဲ့သလို ငွေကြေးဖောင်းပွမှု အဆမတန်ဖြစ်ခဲ့တာပါ။ နိုင်ငံခြားအကြွေးတွေကလည်း ပြသနာတစ်ခုအဖြစ် ရှိနေခဲ့ပြီး နိုင်ငံတကာငွေကြေးအဖွဲ့ဆီကနေ ငွေကြေးအကူအညီတွေ ရယူခဲ့ရတာပါ။

.

ဒါ့အပြင် ဝန်ကြီးချုပ်ဟောင်း အမ်ရမ်ခန်းနဲ့ သူ့ရဲ့ပါတီကို ထောက်ခံသူတွေရှိနေဆဲဖြစ်ပြီး လက်ရှိအစိုးရနဲ့ နိုင်ငံရေးတင်းမာမှုတွေကလည်း ရှိနေဆဲပါ။

.

ဒါပေမဲ့ တစ်ဖက်မှာတော့ ပါကစ္စတန်ရဲ့ အစိုးရယန္တရားက အလုပ်လုပ်နေဆဲဖြစ်ပြီး စစ်တပ်က နိုင်ငံကို ထိန်းထားတာပါ။ နိုင်ငံခြားရေးလှုပ်ရှားမှုတွေဆက်လုပ်နေနိုင်သလို၊ တရုတ် ၊အမေရိကန်နဲ့ အရှေ့ အလယ်ပိုင်း နိုင်ငံတွေအကြားမှာ သံတမန်ဆက်ဆံရေးတွေ ဆက်လက်လှုပ်ရှား နေနိုင်တာပါ။ ဒါ့ကြောင့်ပဲ ပါကစ္စတန်ဟာ နိုင်ငံတွင်း စိန်ခေါ်မှုတွေကြားကနေ အမေရိကန်-အီရန် ပြသနာကို ဝင်ပါနေရတယ်လို့ ပြောရတာပါပဲ။

.

အမေရိကန်နဲ့အီရန်ပြသနာမှာ ပါကစ္စတန်က ကြားဝင်ညှိနှိုင်းသူ လုပ်ပေးတာကြောင့် ဘယ်သူ့ဆီကမှတော့ ပိုက်ဆံမရပါဘူး။ ဒါပေမဲ့ သူတို့ရသွားတဲ့ အကြီးမားဆုံး အကျိုးကျေးဇူးက နိုင်ငံတကာစာမျက်နှာမှာ အရေးပါ လာတဲ့ အနေအထားကို ရောက်လာတာပါပဲ။

.

အမေရိကန်နဲ့ ဆက်ဆံရေးတိုးတက်လာတယ်။ အီရန်နဲ့လည်း ဆက်ဆံရေးကောင်းကို ထိန်းထားနိုင်တယ်။ ဒေသတွင်းမှာ ညှိနှိုင်းဆောင်ရွက်မှုကောင်းတဲ့သူ ဆိုတဲ့ ဂုဏ်ပုဒ်ကိုရမယ်။

.

လာမယ့်အနာကတ်မှာ စီးပွားရေးအကူအညီတွေ၊ ရင်းနှီးမြုပ်နှံမှု၊ ကုန်သွယ်ရေးအခွင့်အလမ်းတွေကို အမေရိကန်ရော၊ အီရန်ဆီကနေပါ ပါကစ္စတန်က ရလာနိုင်တာပါ။

.

ပါကစ္စတန်က အမေရိကန်ရဲ့ မဟာမိတ်ဟောင်းဖြစ်သလို အီရန်နဲ့လည်း နယ်နမိတ်ချင်း ဆက်စပ်နေတာ ကြောင့် နှစ်နိုင်ငံလုံးက သူ့ကို ကြားခံအဖြစ်ထားဖို့ သဘောတူကြတာလည်း ဖြစ်ပါတယ်။

.

ခြုံပြီးပြောရရင်တော့ အမေရိကန်နဲ့အီရန်ရဲ့ ငြိမ်းချမ်းရေးသဘောတူညီမှုသာ အောင်မြင်သွားခဲ့မယ်ဆိုရင် ပါကစ္စတန်က အမေရိကန်ဆီကနေ စစ်ရေးပူးပေါင်းဆောင်ရွက်မှု ရပြီး နိုင်ငံတွင်းအခြေအနေကို ထိန်းချုပ် နိုင်မယ်။ ဒါ့အပြင် စီးပွားရေးပူးပေါင်းဆောင်ရွက်မှုတွေ ရင်းနှီးမြုပ်နှံမှုတွေလည်း ရလာမှာဖြစ်ပြီး နိုင်ငံ စီးပွားရေးလည်း ပိုပြီး အဆင်ပြေလာနိုင်တယ်။

.

တစ်ဖက်မှာလည်း အီရန်နဲ့နယ်စပ်လုံခြုံရေးကိစ္စတွေမှာ အဆင်ပြေသွားမယ်။ ဓာတ်ငွေ့စီမံကိန်းတွေမှာ အကူအညီတွေရလာမယ်။ ကုန်သွယ်ရေးလမ်းကြောင်းတွေလည်း ပွင့်လာနိုင်မယ်။ ဒါတွေက အီရန်ဆီကနေ ရနိုင်တဲ့ အကျိုးအမြတ်တွေ ဖြစ်လာမှာပါ။

.

Source – CNN

.