သမိုင်းတစ်လျှောက် အဆိုးရွားဆုံး ကမ္ဘာ့ဖလားကို အမေရိကန် ဖန်တီးနေပြီလား

.

၂၀၂၆ ခုနှစ်၊ ဇွန်လ ၁၀ ရက်

.

အမေရိကန်က ကမ္ဘာ့ဖလားသမိုင်းတစ်လျှောက် အဆိုးရွားဆုံးအိမ်ရှင်ဘွဲ့ကို ရနေပါပြီ။ ပြီးခဲ့တဲ့ ၄၈ နာရီ အတွင်း အမေရိကန်မှာ ဖြစ်ခဲ့တာတွေကိုကြည့်ရင် ဒီအချက်ကို လက်ခံနိုင်မှာ သေချာပါတယ်။

.

.

ဆွစ်ဇာလန်ကစားသမား အမ်ဘိုလိုရဲ့ဗီဇာက ရွှေ့ဆိုင်းခံခဲ့ရပြီး အသင်းနဲ့ ရက်အနည်းငယ်အကြာမှာမှ လာရောက်ပူးပေါင်းနိုင်ခဲ့တယ်။

.

အီရန်လက်ရွေးစင်ကစားသမား အိုင်မန်ဟူစိန်က အမေရိကန်နိုင်ငံထဲကို ဝင်ရောက်ဖို့ မေးခွန်းတွေကို ၇ နာရီ လောက်ကြာအောင် ဖြေခဲ့ရတယ်။

.

အီရန်လက်ရွေးစင်အသင်းက ဗီဇာပြသနာတွေနဲ့ ရင်ဆိုင်ခဲ့ရလို့ တူရကီမှာ နေခဲ့ရပြီး ပွဲကစားမယ့်နေ့တွေမှာပဲ အမေရိကန်နိုင်ငံအတွင်းကို ဝင်ရောက်ဖို့ ဆုံးဖြတ်ခံခဲ့ရတယ်။ ဘောလုံးအဖွဲ့ချုပ် ဥက္ကဋ္ဌနဲ့ ဒုဥက္ကဋ္ဌအပါအဝင် ၁၅ ဦးက နိုင်ငံတွင်းကို ဝင်ရောက်ဖို့ ငြင်းဆိုခံခဲ့ရတယ်။

.

အာဖရိကဖလား ဘောလုံးပြိုင်ပွဲမှာ အကောင်းဆုံး ဒိုင်လူကြီးဆုကို ရရှိခဲ့တဲ့ ဆိုမာလီဒိုင်လူကြီး အိုမာ အာတန်က ဆိုမာလီနိုင်ငံသား ဖြစ်နေတယ် ဆိုတဲ့အကြောင်းပြချက်နဲ့ အမေရိကန်နိုင်ငံထဲ ဝင်ခွင့်မရခဲ့ဘဲ ကမ္ဘာ့ဖလားပြိုင်ပွဲရဲ့ ဒိုင်စာရင်းကပါ ထုတ်ပယ်ခြင်းခံလိုက်ရတယ်။

.

တောင်အာဖရိကဘောလုံးအသင်းက သူတို့သတ်မှတ်ထားတဲ့ရက်ထက် နောက်ကျပြီးမှ အမေရိကန် နိုင်ငံကို ရောက်လာခဲ့တယ်။ အကြောင်းကတော့ သူတို့ရဲ့ဗီဇာတွေကို အတည်ပြုဖို့ ကြန့်ကြာနေတာကြောင့်ပါ။

.

ဆီနီဂေါအသင်းရဲ့အဖွဲ့ဝင်တချို့က သူတို့ရဲ့ဖိနပ်တွေအထိပါ ချွတ်ပြီး စစ်ဆေးခြင်းခံခဲ့ရတယ်။ ဒီလိုစစ်ဆေးမှု တွေကြောင့် အမေရိကန်တွေ လူမျိုးရေးခွဲခြားတယ်ဆိုတဲ့ စွပ်စွဲချက်တွေလည်း ပေါ်ထွက်လာခဲ့တယ်။

.

ဥဇဘက်ကစ္စတန်အသင်းကစားသမားတွေကို ဗုံးရှာတဲ့ခွေးတွေကိုသုံးပြီး စစ်ဆေးမှုတွေ ပြုလုပ်ခဲ့တာကြောင့် ဝေဖန်မှုတွေလည်း အများကြီးရခဲ့တယ်။

.

ကမ္ဘာ့ဖလားကို လာရောက်ဖို့ လက်မှတ်တွေကြိုဝယ်ထားခဲ့ကြတဲ့ ပရိသတ်တွေက ဗီဇာငြင်းပယ်ခံရမှုတွေ ကြောင့် ငွေကြေးဆုံးရှုံးမှုတွေ အများအပြားဖြစ်ခဲ့ရတယ်။

.

Source – TheSun

.