ရှမ်းနှင့်ကရင် ဗိုလ်လုပွဲကို တောင်ကြီးမြို့မဈေးရှိ LED Board တွင် တိုက်ရိုက်ပြမည်

တိုင်းနဲ့ပြည်နယ် အမျိုးသား ယူ (၁၈) ဘောလုံးပြိုင်ပွဲဖြစ်တဲ့ ရှမ်းပြည်နယ်နဲ့ ကရင်ပြည်နယ်တို့ရဲ့ ဗိုလ်လုပွဲကို တောင်ကြီးမြို့၊ မြို့မဈေးမှာ ရှိတဲ့ LED Board မှာ တိုက်ရိုက်ထုတ်လွှင့်ပြသ သွားမှာ ဖြစ်တဲ့အကြောင်း ရှမ်းပြည်နယ်စည်ပင်သာယာရေး ဝန်ကြီးဌာနက ကြေညာထားပါတယ်။

.
ဒီနေ့ (ဇွန်လ ၂ ရက်) ညနေ ၄ နာရီမှာ ကစားကြမယ့် ရှမ်းနဲ့ ကချင်တို့ရဲ့ ဗိုလ်လုပွဲစဉ်ကို ရန်ကုန်မြို့၊ သုဝဏ္ဏ ဘောလုံးကွင်းမှာ ပြုလုပ်မှာ ဖြစ်ပြီး တောင်ကြီးက အားပေးချင်တဲ့ ပရိသတ်တွေကို Express ကား ၂ စီးနဲ့ အခမဲ့ ခေါ်ဆောင်သွားတာမျိုးကိုလည်း ရှမ်းပြည်နယ်ဘောလုံးအဖွဲ့ချုပ်က ပြုလုပ်ပေးခဲ့တာပါ။
.
ဒါ့အပြင် သုဝဏ္ဏကွင်းမှာ လာရောက်အားပေးမယ့် ရှမ်းပြည်နယ်အသင်းပရိသတ်တွေကို ရှမ်းအသင်းရဲ့ဂျာစီ တစ်ထည်စီကို လက်ဆောင်ပေးမယ့် အစီအစဉ်လည်း ရှိနေပါသေးတယ်။ ဒီပွဲစဉ်ကို ပွဲအတွင်း သွားရောက် မကြည့်ရှုနိုင်တဲ့ ပရိသတ်တွေအတွက် တောင်ကြီးမြို့ မြို့မဈေးက LED Board ကြီးမှာ တိုက်ရိုက်ပြသ ပေးသွားမှာ ဖြစ်ပါတယ်။

.
ဆီမီးဖိုင်နယ်အဆင့်မှာ ကချင်ကို ၄ ဂိုးသွင်းပြီး နိုင်ခဲ့တဲ့ ရှမ်းနဲ့ ဧရာဝတီကို ၄ ဂိုးသွင်းပြီး နိုင်ခဲ့တဲ့ ကရင်ပြည်နယ်အသင်းတို့ရဲ့ ပွဲစဉ်ဖြစ်တာမို့ သွင်းဂိုးတွေ မြိုင်မြိုင်ဆိုင်ဆိုင် ကြည့်ရလိမ့်မယ်လို့ ပရိသတ်တွေက ခန့်မှန်းနေကြတာပါ။
.

လာမယ့် ကမ္ဘာ့ဖလား ပွဲစဉ်တွေကိုပါ ယခုလို ပြသပေးသွားဖို့ တောင်းဆိုနေကြတဲ့ ဒေသခံတွေရဲ့ မှတ်ချက်တွေကိုလည်း တွေ့မြင်နေရပါတယ်။ မြို့မဈေးက LED ထက်၊ စူဠာမုနိဘက်က LED က ပို အဆင်ပြေနိုင်တယ်လို့လည်း ပြောဆိုနေကြပါတယ်။

.
#KBZTai #Shan #U18 #Football