အင်ဒိုနီးရှားမှာ တောမီး မီးခိုးမြူကြောင့် အရေးပေါ် အောက်ဆီဂျင်စခန်း ၄၇၇ ခု ဖွင့်လှစ်

.

၂၀၂၆ ခုနှစ်၊ အောက်တိုဘာလ ၂၂ ရက်

.

အင်ဒိုနီးရှား ကျန်းမာရေးဝန်ကြီးဌာနက တောမီးနဲ့ မြေပြင်မီးလောင်မှုတွေကြောင့် ဖြစ်ပေါ်နေတဲ့ အဆိပ် အတောက်ရှိ မီးခိုးမြူဒဏ်ခံနေရသူတွေကို ကုသပေးဖို့ ပြည်နယ် ၇ ခုမှာရှိတဲ့ ရပ်ကွက် ကျန်းမာရေးဌာန ၊ ဆေးရုံတွေနဲ့ အများပြည်သူသုံးနေရာတွေမှာ အရေးပေါ် အောက်ဆီဂျင်စခန်း ၄၇၇ ခု ဖွင့်လှစ်ထားတယ်လို့ အင်ဒိုနီးရှားသတင်းတွေမှာဖော်ပြထားပါတယ်။

.

.

ကျန်းမာရေးဝန်ကြီးဌာန ပြည်သူ့ဆက်သွယ်ရေးနဲ့ သတင်းအချက်အလက်ဗျူရို အကြီးအကဲ အာဂျီ မူဟာ ဝါမန်က ဗုဒ္ဓဟူးနေ့မှာ ပြောကြားရာမှာ အလယ်ပိုင်း ကာလီမန်တန်ပြည်နယ်မှာ အောက်ဆီဂျင် စခန်း ၂၉၅ ခုနဲ့ အများဆုံးရှိပြီး တောင်ပိုင်း ကာလီမန်တန်မှာ ၁၂၇ ခု၊ အနောက်ပိုင်း ကာလီမန်တန်မှာ ၃၅ ခု ရှိတယ်လို့ ပြောပါတယ်။

.

ကျန်းမာရေးဝန်ကြီးဌာနရဲ့ ပြည်သူ့ကျန်းမာရေး အရေးပေါ်တုံ့ပြန်ရေးစင်တာ အချက်အလက်တွေအရ ပြည်နယ် ၇ ခုမှာရှိတဲ့ ခရိုင်နဲ့မြို့ ၆၅ ခုအတွင်း တောမီးတွေကြောင့် အသက်ရှူလမ်းကြောင်းဆိုင်ရာ ရောဂါ ဖြစ်ပွားသူ ၃၁၄,၁၂၄ ဦး ရှိနေပါတယ်။ အဲဒီထဲမှာ မွေးကင်းစကလေးတွေနဲ့ အသက် ၅ နှစ်အောက် ကလေး ၇၀,၈၉၀ ဦး ပါဝင်ပြီး အောက်တိုဘာ ၂၀ တစ်ရက်တည်းမှာ အသက်ရှူ လမ်းကြောင်းဆိုင်ရာ ရောဂါဖြစ်ပွား သူ အသစ် ၃,၂၆၉ ဦး ရှိခဲ့ပါတယ်။

.

ရောဂါဖြစ်ပွားမှု များလာတာကို တုံ့ပြန်ဖို့ ကျန်းမာရေးဝန်ကြီးဌာနက ရပ်ကွက်ကျန်းမာရေးဌာန ၁,၆၉၁ ခုနဲ့ ဒေသတွင်းဆေးရုံ ၃၆၀ ခုကို အရေးပေါ်ကုသရေးအတွက် အသင့်ပြင်ဆင်ထားပါတယ်။ တောမီးနဲ့ ဆက်စပ် ပြီး ဖြစ်ပွားတဲ့ အသက်ရှူလမ်းကြောင်းရောဂါနဲ့ ဝမ်းလျှောရောဂါတွေကို အခမဲ့ကုသပေး နေပါတယ်။

.

အစိုးရကလည်း ချောင်းဆိုးပျောက်ဆေး၊ ပဋိဇီဝဆေးနဲ့ ဝမ်းလျှောပျောက်ဆေးတွေ အပါအဝင် အခြေခံ ဆေးဝါး အထုပ် ၅၇၈,၈၇၈ ထုပ်၊ ဗီတာမင်အထုပ် ၁,၅၀၀ နဲ့ အရေးပေါ်ကျန်းမာရေးသုံး ပစ္စည်းတွေကို ဖြန့်ဝေပေးထားပါတယ်။

.

အာဂျီ မူဟာဝါမန်က N95 နဲ့ ခွဲစိတ်ခန်းသုံး မျက်နှာဖုံး စုစုပေါင်း ၃.၇ သန်းခန့် ဖြန့်ဝေပေးထားပြီး ပြည်နယ် တစ်ခုစီအတွက် မူလသတ်မှတ်ထားတဲ့ ၅ သိန်းနှုန်းထက် အများကြီးပိုများတယ်လို့ ပြောပါတယ်။ အောက်ဆီဂျင်အာရုံစူးစက်စက်တွေနဲ့ ကိုယ်ရေးကိုယ်တာကာကွယ်ရေးပစ္စည်း (PPE) တွေကိုလည်း ဖြန့်ဝေပေးထားပါတယ်။

.

ထိခိုက်တဲ့ဒေသတွေကို ဆရာဝန်၊ သူနာပြုနဲ့ ရောဂါကူးစက်မှုဆိုင်ရာ ကျွမ်းကျင်သူတွေအပါအဝင် ကျန်းမာရေးဝန်ထမ်း ၂,၆၀၀ ကျော် စေလွှတ်ထားပါတယ်။

.

ကျန်းမာရေးဝန်ကြီးဌာနက လေထုအရည်အသွေးကို လေထုညစ်ညမ်းမှု စံညွှန်းကိန်း (ISPU) နဲ့ စောင့်ကြည့် နေသလို ပြည်သူ့ကျန်းမာရေး အသိပညာပေးလုပ်ငန်းတွေကိုလည်း လုပ်ဆောင်နေပါ တယ်။ ဒါ့အပြင် ပြည်သူတွေက ကိုယ့်ဒေသရဲ့ လေထုညစ်ညမ်းမှုအခြေအနေကို အချိန်နဲ့တပြေးညီ စောင့်ကြည့်နိုင်ပြီး အနီးဆုံး အောက်ဆီဂျင်စခန်းကို ရှာဖွေနိုင်ဖို့ ဒစ်ဂျစ်တယ်စနစ်တစ်ခုကိုလည်း ဖွင့်လှစ်ထားပါတယ်။

.

အောက်တိုဘာ ၁၉ ရက်မှာ ကျန်းမာရေးဝန်ကြီး ဘူဒီ ဂူနာဒီ ဆာဒီကင်က အရေးပေါ်ဆေးဘက်ဆိုင်ရာ အကူအညီတွေ ဖြန့်ဝေရာမှာ အုပ်ချုပ်ရေးပိုင်းဆိုင်ရာ ကြန့်ကြာမှုမရှိဘဲ လုပ်ဆောင်ဖို့နဲ့ ဒေသဆိုင်ရာ အုပ်ချုပ်ရေးအဖွဲ့တွေနဲ့ အနီးကပ်ပူးပေါင်းဆောင်ရွက်ဖို့ တိုက်တွန်းထားပါတယ်။

.

အထူးသဖြင့် ကလေးငယ်တွေ၊ ကိုယ်ဝန်ဆောင်အမျိုးသမီးတွေနဲ့ သက်ကြီးရွယ်အိုတွေလို အန္တရာယ် ပိုများ တဲ့သူတွေကို ကာကွယ်ပေးနိုင်ဖို့ ကျန်းမာရေးဝန်ကြီးဌာနက ဒေသဆိုင်ရာအုပ်ချုပ်ရေး အဖွဲ့တွေနဲ့ ရပ်ရွာ ကျန်းမာရေးဝန်ထမ်းတွေပူးပေါင်းပြီး အိမ်တိုင်ရာရောက် ကျန်းမာရေးဝန်ဆောင်မှုပေးနိုင်ဖို့လည်း ပြင်ဆင် နေပါတယ်။

.

Ref – Antara News

.