.
၂၀၂၆ ခုနှစ်၊ အောက်တိုဘာလ ၂၀ ရက်
.
ရှမ်းပြည်နယ်မြောက်ပိုင်း၊ လားရှိုးမြို့တွင် ယမန်နေ့ အောက်တိုဘာလ
၁၉ ရက်၊ ညနေပိုင်းက သေနတ်ထောက်ပြီး ငွေထုပ်လုယက်မှု ဖြစ်ပွားခဲ့ကြောင်း သိရသည်။
.
လားရှိုးမြို့၊ ရပ်ကွက် (၃) နှင့် ရပ်ကွက် (၄) အကြားတွင်
ယမန်နေ့ အောက်တိုဘာလ ၁၉ ရက်၊ ညနေ ၄ နာရီခန့်က ဆိုင်ကယ်ဖြင့် ရွှေဆိုင်ပိုင်ရှင်တစ်ဦးကို
အမည်မသိ အမျိုးသား ၂ ဦးက သေနတ်ဖြင့်ထောက်ကာ ဆိုင်ကယ်ပေါ်တွင် ပါလာသည့် ငွေထုပ်ကို
လုယူသွားခဲ့ခြင်းဖြစ်ကြောင်း သိရသည်။
.
အဆိုပါကိစ္စနှင့် ပတ်သက်၍ လားရှိုးမြို့မရဲစခန်းမှ တာဝန်ရှိသူက
“ငွေ သိန်း ၆၀၀ လည်း ပြောတယ်၊ ၉၀၀ လည်း ပြောတယ်။ လာပြီး အမှုဖွင့်တိုင်တန်းတာတော့ မရှိသေးပါဘူး။
သေနတ်ပါတယ်။ ကော်သေနတ် လို့လည်း ပြောတယ်” ဟု ပြောဆိုခဲ့သည်။
.
လုယက်ခံရမှု ဖြစ်စဉ်တွင် လူထိခိုက်ဒဏ်ရာရမှု မရှိခဲ့ဘဲ ကျူးလွန်သူများကိုလည်း
ဖမ်းဆီးရမိခြင်း မရှိသေး ကြောင်း သိရသည်။
.
လားရှိုးမြို့တွင် လုယက်မှု၊ ဆိုင်ကယ်ခိုးယူမှု အပါအဝင် ဒုစရိုက်မှုများ
မကြာခဏ ဖြစ်ပွားနေပြီး ကျူးလွန်သူ များကို ဖမ်းဆီးရမိမှု နည်းပါးကြောင်း ဒေသခံများထံက
သိရသည်။
.
No comments:
Post a Comment