တောင်ကြီးတန်ဆောင်တိုင်ပွဲတော် ရိုးရာမီးပုံးပျံပြိုင်ပွဲ နေ့လွှတ်အရုပ်များ စတင်လွှတ်တင်

.

၂၀၂၆ ခုနှစ်၊ နိုဝင်ဘာလ ၁၃ ရက်

.

တောင်ကြီးတန်ဆောင်တိုင်ပွဲတော် ရိုးရာမီးပုံးပျံပြိုင်ပွဲ နေ့လွှတ်အရုပ် မီးပုံးပျံပြိုင်ပွဲကို ယနေ့ နိုဝင်ဘာလ ၁၃ ရက်မှ စတင်၍ တောင်ကြီးမြို့ အဝေရာမီးပုံးပျံကွင်းအတွင်း စတင်ကျင်းပပြုလုပ်လျက်ရှိကြောင်း သိရသည်။

,

.

ယနေ့ နေ့လွှတ်ပြိုင်ပွဲ ပထမနေ့ဖြစ်သော နိုဝင်ဘာ ၁၃ ရက်တွင် နေ့လွှတ်အရုပ် ခြေ ၂ ချောင်း၊ ခြေ ၄ ချောင်း၊ အုပ်စု ပြိုင်ပွဲဝင်အဖွဲ့ စုစုပေါင်း ၄၀ တို့က ဝင်ရောက်ယှဉ်ပြိုင်လွှတ်တင်လျက်ရှိကြောင်း သိရသည်။

.

တောင်ကြီးမြို့တော် တန်ဆောင်တိုင်ပွဲတော် ရိုးရာမီးပုံးပျံပြိုင်ပွဲတွင် နေ့လွှတ်အရုပ် ခြေနှစ်ချောင်း ၂၃၆ လုံး၊ ခြေလေးချောင်း ၁၃၈ လုံး၊ အုပ်စု ၇၅ ၊ ညလွှတ် ညမီးကြီး ၇၁ လုံး၊ စိန်နားပန် ၄၁ လုံး၊ စုစုပေါင်း ၅၆၁ လုံးကို လွှတ်တင် ယှဉ်ပြိုင်သွားမည် ဖြစ်ကြောင်း သိရသည်။

.

ပွဲတော် ဖွင့်ပွဲကို နိုဝင်ဘာလ ၁၆ ရက်တွင် ပြုလုပ်သွားမည်ဖြစ်ပြီး ပြိုင်ပွဲကို နိုဝင်ဘာ ၂၄ ရက်အထိ ပြုလုပ်ကာ နိုဝင်ဘာ ၂၅ ရက်တွင် ဆုပေးပွဲနှင့် ပိတ်ပွဲကို ပြုလုပ်သွားမည်ဖြစ်ကြောင်း သိရသည်။

.