.
၂၀၂၆ ခုနှစ်၊ မတ်လ ၁၉ ရက်
.
ရှမ်းပြည်နယ်အရှေ့ပိုင်း၊ ကျိုင်းတုံမြို့နယ်၊ ကျိုင်းဖောင်းကျေးရွာအနီးတွင်
မတ်လ ၁၇ ရက်၊ ညပိုင်းက ဘိန်းစိမ်းအလေးချိန် ကီလို ၄၀ ကျော်အား သယ်ဆောင်လာသူနှင့်အတူ
ဖမ်းဆီးရမိခဲ့ကြောင်း သိရသည်။
.
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ
တပ်ဖွဲ့ဝင်များပါဝင်သော ပူးပေါင်းအဖွဲ့သည် မတ်လ ၁၇ ရက်နေ့ ည ၁၁ နာရီခန့်က သက်သေများနှင့်အတူ
ကျိုင်းတုံမြို့နယ်၊ ကျိုင်းဖောင်းကျေးရွာအနီးတွင် အပေါ မောင်းနှင်လာသည့်
မော်တော်ဆိုင်ကယ်အား ရပ်တန့်စစ်ဆေးရှာဖွေရာ ဆိုင်ကယ်ခွကြားတွင် သယ်ဆောင် လာသော
ဆာလာအိတ်များအတွင်းမှ ဘိန်းစိမ်း အလေးချိန် ၄၀ ဒသမ ၅ ကီလို၊ ဒေသကာလတန်ဖိုး ငွေကျပ်
၂၀၂ ဒသမ ၅ သိန်းအား ဖမ်းဆီးရမိခဲ့ခြင်းဖြစ်ကြောင်း သိရသည်။
.
သို့ဖြစ်၍ ဘိန်းစိမ်းများနှင့်အတူ ဖမ်းဆီးရမိသူ အပေါအား
ကျိုင်းတုံမြို့မရဲစခန်းတွင် မူးယစ်ဆေးဝါးနှင့်
စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး
ကွင်းဆက်များ ဆက်လက်ဖော်ထုတ်လျက်ရှိကြောင်း သိရသည်။
.
အလားတူ ယမန်နေ့ မတ်လ ၁၈ ရက်၊ နေ့လယ်ပိုင်းကလည်း ရှမ်းပြည်နယ်မြောက်ပိုင်း၊
လားရှိုးမြို့ရှိ နေအိမ်တစ်လုံးတွင် စိတ်ကြွရူးသွပ်ဆေးပြား ၅၄၀၀ ပြား၊ ဒေသကာလတန်ဖိုးငွေကျပ်
၅၄ သိန်းနှင့် ဘိန်းဖြူ ၂၀ ဂရမ်၊ ဒေသ ကာလတန်ဖိုး ငွေကျပ် ၄ သိန်းတို့အား လက်ဝယ်ထားရှိသူနှင့်အတူ
ဖမ်းဆီးရမိခဲ့ကြောင်း သိရသည်။
.
No comments:
Post a Comment