၂၀၂၆ ခုနှစ်၊ မတ်လ ၂၂ ရက်
ငလျင်ဒဏ်ကြောင့် ပျက်ဆီးခဲ့ရသည့် ဟိုပုံးမြို့ ကျက်သရေဆောင် သီရိမင်္ဂလာရွှေချမ်းသာ မွေတော်ဘုရားကြီး၏ ပြန်လည် ပြုပြင်ရေး လုပ်ငန်းများ စတင်နေပြီ ဖြစ်ကြောင်း သိရသည်။
.
" ပြုပြင်နေတာက ပြောမယ်ဆိုရင်တော့ အခုမှ စ လုပ်နေတာဗျ၊ အခုမှ စလုပ်တာ ဆိုတော့ ၅ ရာခိုင်နှုန်းလောက်ပဲ ရှိသေးတယ်ဗျ။” ဟု လုပ်ငန်း ဆောင်ရွက်မှုနှင့် ပတ်သက်၍ ဘုရားဂေါပက ဥက္ကဌ ဦးအောင်ဇော်ထွေး က ပြောသည်။
ယခု ၂၀၂၆ ခုနှစ်အတွင်း၌ ပြုပြင် တည်ဆောက်ရေး လုပ်ငန်းများကို အပြီး ဆောင်ရွက်မည် ဖြစ်ပြီး လုပ်ငန်းများ ပြီးစီးပါက ထီးတင်ပွဲ ပြုလုပ်မည် ဖြစ်ကြောင်း သိရသည်။
.
သီရိမင်္ဂလာ ရွှေချမ်းသာမွေတော်ဘုရားကြီး၌ အလှူငွေ (ရန်ပုံငွေ) မှာ ကျပ်သိန်း ၈၀၀၀ ခန့် ရှိကြောင်းလည်း သိရသည်။
" အလှူငွေ ရရှိမှု အခြေအနေက မနေ့ကအထိဆိုရင်တော့ သိန်း ၈၀၀၀ လောက်တော့ လက်ကျန်ပေါ့။ ငွေသားလက်ကျန်ပေါ့ သိန်း ၈၀၀၀ လောက်တော့ ရမယ်ဗျ။ လောလောဆယ် ကျန်တဲ့ ရွှေတွေ ဘာတွေ မပါတာတော့ လောက်သွားနိုင်ပါတယ်ဗျ။ အခု ကျွန်တော်တို့ စလုပ်တယ်ဆိုတော့ တောက်လျှောက်တော့ လှူကြတယ် မြို့သူမြို့သားတွေကတော့။" ဟု ဂေါပက ဥက္ကဌ က ဆိုသည်။
.
၂၀၂၅ ခုနှစ်၊ မတ်လ ၂၈ ရက်က လှုပ်ခတ်ခဲ့သော အင်အားပြင်း ငလျင်ကြောင့် ဟိုပုံးမြို့ ကျက်သရေဆောင် သီရိမင်္ဂလာရွှေချမ်းသာ မွေတော်ဘုရားကြီး၏ ထီးတော် မြေခ ခဲ့ရသည့် အပြင် အခြားပျက်ဆီးမှုများလည်း ဖြစ်ပေါ်ခဲ့ခြင်း ဖြစ်ကြောင်း သိရသည်။
No comments:
Post a Comment