လယ်ယာသုံး စက်များအတွက် စက်သုံးဆီ ဝယ်ယူခွင့် မရ၍ တောင်သူများအခက်ကြုံ

၂၀၂၆ ခုနှစ်၊ မတ်လ ၂၈ ရက်

လယ်ယာသုံး စက်ကိရိယာများအတွက် စက်သုံးဆီ ဝယ်ယူခွင့် မရသဖြင့် ရှမ်းပြည်နယ်အတွင်းရှိ တောင်သူများ အခက်အခဲ ဖြစ်ပေါ်နေရကြောင်း သိရသည်။

.

“ဆီကို ပုံးနဲ့ မရောင်းပေးဘူးလို့ ပြောတယ်။ အာလူးတွေ၊ ကြက်သွန်ဖြူတွေ ခြောက်ကုန်ပြီ။ မီးရှို့ရတော့မယ်။ ဆီက မရှိဘူး။ ဆေးဖြန်းပုံးလည်း ဖြန်းဖို့လိုတယ်။ ဆီ မရှိတော့ လူနဲ့ထမ်းပြီး ဖြန်းရတော့မယ်” ဟု ရေခြံစိုက် တောင်သူတစ်ဦးက ပြောသည်။

.

ထို့အတူ ကြံစိုက်တောင်သူများအနေဖြင့်လည်း စက်သုံးဆီ ဝယ်မရသဖြင့် ကြံရိတ်သိမ်းရန်နှင့် ကြိတ်ခွဲ တင်လဲရည် ထုတ်ယူရန် လုပ်ဆောင်နိုင်ခြင်း မရှိဘဲ လုပ်ငန်းများ ရပ်နားထားရကြောင်း သိရသည်။

.

လက်ရှိတွင် စက်သုံးဆီအရောင်းဆိုင်ကြီးများ၌ ဆီကို ယာဉ်သက်သေခံ ဝှီးတက်ပါ QR Code၊ Bar Code တို့ဖြင့်သာ ရောင်းချပေးနေသည့်အတွက် လယ်ယာကုန်ထုတ်လုပ်ငန်းတွင် အသုံးပြုသည့် စက်ယန္တရားများအတွက် စက်သုံးဆီ ဝယ်ယူ၍ မရနိုင်ဘဲ အခက်အခဲဖြစ်ပေါ်နေခြင်းဖြစ်ကြောင်း သိရသည်။

.

ထို့အပြင် ကုန်တင်ကားများမှာလည်း စက်သုံးဆီ လုံလောက်စွာ မရရှိသဖြင့် လယ်ယာထွက်ကုန်များကို တင်ပို့နိုင်မှု လျော့ကျနေပြီး ကားခများမှ ဈေးမြင့်တက်လျက်ရှိကြောင်း သိရသည်။.ယခုလို စက်သုံးဆီအခက်အခဲကြောင့် တောင်ယာလုပ်ငန်းများ ရပ်နားလာရပါက ကုန်ဈေးနှုန်း မြင့်တက်မှု နှင့်အတူ စားနပ်ရိက္ခာ ရှားပါးမှု ပြဿနားများ ထပ်မံကြုံတွေ့လာရနိုင်ကြောင်း တောင်ကြီးဒေသခံများက ပြောဆိုကြသည်။

.

#KBZTai #Shan #Taunggyi