.
၂၀၂၆ ခုနှစ်၊ မတ်လ ၂၈ ရက်
.
ပြီးခဲ့သည့် ၂၀၂၅ ခုနှစ်၊ မတ်လ ၂၈ ရက်က ဖြစ်ပွားခဲ့သည့်
မန္တလေးငလျင်ကြီးကြောင့် ဟိုတယ်အောင်ပန်း တွင် အသက်ဆုံးရှုံးခဲ့သူများအား ရည်စူး၍ တစ်နှစ်ပြည့်
ဆွမ်းဆက်ကပ်လှူဒါန်းပွဲကို ယနေ့ မတ်လ ၂၈ ရက်၊ နံနက်ပိုင်းက အောင်ပန်းမြို့တွင် ပြုလုပ်ခဲ့ကြောင်း
သိရသည်။
.
ဆွမ်းဆက်ကပ်လှူဒါန်းပွဲကို အောင်ပန်းမြို့ရှိ မြို့အုပ်ချုပ်ရေးမှူးရုံး
ခန်းမတွင် ပြုလုပ်ခဲ့ပြီး အောင်ပန်းမြို့၊ အောင်ချမ်းသာကျောင်းတိုက်မှ ပင့်သံဃာ ၅ ပါးအား
နေ့ဆွမ်းနှင့် လှူဖွယ်ဝတ္ထု အစုစုတို့ကို ဆက်ကပ် လှူဒါန်းခဲ့ကြောင်း သိရသည်။
.
အဆိုပါ ဆွမ်းဆက်ကပ်လှူဒါန်းပွဲသို့ အောင်ပန်းမြို့၊
စီမံခန့်ခွဲရေးကော်မတီအဖွဲ့ဝင်များ၊ ဌာနဆိုင်ရာများ၊ နာရေးကူညီမှုအသင်းများ၊ သွေးလှူရှင်အသင်းများ၊
ကြက်ခြေနီအသင်း၊ မြို့ဖွံ့ဖြိုးရေးအဖွဲ့နှင့် ဟိုတယ် အောင်ပန်းပိုင်ရှင် ဦးစိန်ဝင်းတို့
တက်ရောက်ခဲ့ကြောင်း သိရသည်။
.
၂၀၂၅ ခုနှစ်၊ မတ်လ ၂၈ ရက်က လှုပ်ခတ်ခဲ့သည့် မန္တလေးငလျင်ကြောင့်
ဟိုတယ်အောင်ပန်း အဆောက်အဦ ပြိုကျခဲ့ရာ ဟိုတယ်ဝန်ထမ်း ၇ ဦးအပါအဝင် စုစုပေါင်း ၁၂ ဦး
သေဆုံးခဲ့ပြီး ၈ ဦး ထိခိုက်ဒဏ်ရာရရှိခဲ့သည်။
.
No comments:
Post a Comment