.
၂၀၂၆ ခုနှစ်၊ မတ်လ ၂၂ ရက်
ရှမ်းပြည်နယ်အရှေ့ပိုင်း၊ ကျိုင်းတုံမြို့တွင် ယမန်နေ့ မတ်လ ၂၁ ရက်၊ ညနေပိုင်းက လူသတ် ဓားပြတိုက်မှု တစ်ခု ဖြစ်ပွားခဲ့ကြောင်း သိရသည်။
.
.
ကျိုင်းတုံမြို့၊ ရပ်ကွက် (၄)၊ နောင်ခမ်းမီးပွိုင့်အနီးရှိ နေအိမ်တစ်အိမ်သို့ လူငါးဦးပါ အဖွဲ့က အိမ်စီးမော်တော်ယာဉ်တစ်စီးဖြင့် ရောက်ရှိလာပြီး ဓားပြတိုက်ကာ အိမ်ရှင်ကို သေနတ်ဖြင့် ပစ်ခတ်ခဲ့ခြင်း ဖြစ်ကြောင်း သိရသည်။
.
ဓားပြများ၏ ပစ်ခတ်မှုကြောင့် အိမ်ရှင်ဖြစ်သူ သေဆုံးသွားခဲ့ကြောင်း သိရသည်။
.
အဆိုပါကိစ္စနှင့် ပတ်သက်၍ ကျိုင်းတုံမြို့မရဲစခန်းမှူးအား ကမ္ဘောဇတိုင်းမှ ဆက်သွယ်မေးမြန်းရာတွင် ခရီးသွားနေသည့်အတွက် ဖြေကြားနိုင်ခြင်းမရှိသေးကြောင်း ပြန်လည်ပြောဆိုခဲ့သည်။
.
ထွက်ပေါ်လာသော CCTV မှတ်တမ်းများအရ လူငါးဦးသည် ကားတစ်စီးဖြင့် ရောက်ရှိလာပြီး လေးဦးက ပစ္စတိုသေနတ်ကိုင်ကာ ဓားပြတိုက်ခဲ့ခြင်းဖြစ်ကြောင်း သိရသည်။
.
ပြီးခဲ့သည့် မတ်လ ၁၈ ရက်ကလည်း ရှမ်းပြည်နယ်အရှေ့ပိုင်း၊ မိုင်းယောင်းမြို့ရှိ ရွှေဆိုင်တစ်ဆိုင် ဓားပြတိုက်ခံရမှုတစ်ခု ဖြစ်ပွားခဲ့သေးသည်။
.
Video - Moe Hnin Si
.
No comments:
Post a Comment