.
၂၀၂၆ ခုနှစ်၊ မတ်လ ၂၇ ရက်
.
စက်သုံးဆီဈေး မြင့်တက်လာမှုကြောင့် နမ့်ပန်-တောာင်ကြီး
ပြေးဆွဲပေးနေသည့် လိုင်းကားများ၏ ယာဉ်စီးခကို ၁၀၀၀ ကျပ်စီ တိုးမြှင့်ကောက်ခံထားကြောင်း
သိရသည်။
.
“ခရီးသည်တစ်ဦးကို ၁၀၀၀ ပဲ တက်တာပါ။ နမ့်ပန်-ညောင်ရွှေ-တောင်ကြီးကို
အရင်က ၅၀၀၀ ကောက် ပါတယ်။ အခု ၆၀၀၀ ပါ။ ဆီဈေးကျရင်လည်း ပြန်ချပေးမှာပါ” ဟု တောင်ကြီး-နမ့်ပန်ယာဉ်လိုင်းမှ
ယာဉ်မောင်း ကိုဇေယျာထွေး က ကမ္ဘောဇတိုင်း သို့ ပြောသည်။
.
လိုင်းကားတစ်စီးလျှင် တစ်နေ့ ဆီ ၅ သောင်းဖိုးသာ ဝယ်ယူနိုင်ပြီး
တောင်ကြီးမှ နမ့်ပန်အထိ ၃၆ မိုင် ကွာဝေး သည့်အတွက် ဆီလောက်ငမှု မရှိကြောင်း ၎င်းက ဆက်လက်ပြောဆိုခဲ့သည်။
.
နမ့်ပန်-တောင်ကြီး ယာဉ်လိုင်းတွင် လိုင်းကားစုစုပေါင်း
၂၁ စီးရှိပြီး တစ်ရက်လျှင် ပျှမ်းမှ ၅ စီးခန့် ပြေးဆွဲနေကာ ကားအချို့မှာ ဆီမလောက်ငသည့်အတွက်
ရပ်နားထားရကြောင်း သိရသည်။
.
ယနေ့ တောင်ကြီးမြို့၏ စက်သုံးဆီ ရည်ညွှန်းဈေးနှုန်းများမှာ
အောက်တိန်း 92 တစ်လီတာလျှင် ၄၅၇၅ ကျပ်၊ 95 တစ်လီတာလျှင် ၅၁၀၀ ကျပ်၊ ရိုးရီုးဒီဇယ် တစ်လီတာလျှင် ၅၅၇၅ ကျပ်နှင့် ပရီမီယံဒီဇယ်
တစ်လီတာလျှင် ၆၂၁၀ ကျပ် ဖြစ်ကာ ယမန်နေ့ ဈေးထက် ၈၀၀ မှ ၁၀၀၀ ကျပ်အထိ ဈေးထပ်မံမြင့်တက်လာခြင်း
ဖြစ်သည်။
.
No comments:
Post a Comment