၂၀၂၆ ခုနှစ်၊ မတ်လ ၂၉ ရက်
နွေရာသီ ကျောင်းပိတ်ကာလ ခရီးသွားရာသီ ဖြစ်သော်လည်း ရှမ်းပြည်နယ်မြို့တော် တောင်ကြီးမြို့ အပါအဝင် ရှမ်းတောင်ဒေသတွင်းရှိ ထင်ရှားသည့် နေရာများသို့ ခရီးသွားဧည့်သည် ဝင်ရောက်မှု နည်းပါး နေကြောင်း သိရသည်။
.
ယခင်နှစ်များက နွေရာသီကျောင်းပိတ်ချိန် ခရီးသွား ရာသီများတွင် တောင်ကြီးမြို့ပေါ်၌ ခရီးသွား ဧည့်သည်များဖြင့် စည်ကားနေတတ်ပြီး ယခုနှစ်တွင်မူ စက်သုံးဆီ အကြပ်အတည်းနှင့် မော်တော်ယာဉ်သွားလာနိုင်မှု အခက်အခဲများကြောင့် ဧည့်သည်ဝင်ရောက်မှု နည်းပါးခြင်း ဖြစ်နိုင်ကြောင်း ဒေသခံများထံက သိရသည်။
.
“အရင်က ဒီအချိန်ဆိုရင် မြို့ထဲမှာ ဧည့်သည်တွေ ပြည့်နေတာပေါ့။ စူဠာမုနိနားဆိုရင်လည်း လေအိတ်ကားတွေ ရပ်စရာ နေရာတောင် မရှိဘူး။ အခုကြတော့ လမ်းပေါ်မှာတောင် ရှင်းနေတာပေါ့” ဟု တောင်ကြီးဒေသခံ ကိုကောင်းခန့်က ပြောသည်။
ခရီးသွားရာသီ ရောက်တိုင်း အပူရှောင်လိုသူများနှင့် ခရီးသွားဧည့်သည်များ လာရောက်တတ်သည့် တောင်ကြီးမြို့ အပါအဝင် အင်းလေး၊ ပင်းတယ အစရှိသည့် ဒေသများတွင်လည်း ခရီးသွားဝင်ရောက်မှု နည်းပါးနေကြောင်းသိရသည်။
.
ဘုရားဖူး ခရီးသွားများအနေဖြင့် နွေရာသီကာလအတွင်း တောင်ကြီး၊ အင်းလေး၊ ပင်းတယ၊ ကက္ကူ၊ ထမ့်ဆမ်း နှင့် ရှမ်းပြည်နယ်တောင်ပိုင်းရှိ အခြား ထင်ရှားသည့် နေရာများသို့ လာရောက်လည်ပတ်ရန် စီစဉ်မှုများ ရှိသော်လည်း စက်သုံးဆီ အကြပ်အတည်းကြောင့် ခရီးစရိတ်များ ၃ ဆကျော် မြင့်တက်သွားသည့်အတွက် စီစဉ်ပြီးခရီးစဉ်များ ဖျက်သိမ်းလိုက်ရကြောင်း သိရသည်။
#KBZTai #Shan #Taunggyi
No comments:
Post a Comment