တောင်ကြီးတွင် စက်သုံးဆီကို QR စနစ်ဖြင့်သာ ရောင်းချပေးသွားမည် ဟုဆို

.

၂၀၂၆ ခုနှစ်၊ မတ်လ ၂၉ ရက်

.

တောင်ကြီးမြို့ပေါ်ရှိ စက်သုံးဆီအရောင်းဆိုင်များတွင် မတ်လ ၂၉ ရက်မှ စတင်၍ QR စနစ်ဖြင့်သာ ရောင်းချ ပေးသွားမည်ဖြစ်ပြီး လိုင်စင်မဲ့ယာဉ်များကို စက်သုံးဆီ ရောင်းချပေးတော့မည် မဟုတ်ကြောင်း သိရသည်။

.

.

မော်တော်ယာဉ်၊ မော်တော်ဆိုင်ကယ်များအား စက်စွမ်းအားအလိုက် ဝယ်ယူခွင့်ရှိသော ပမာဏ သတ်မှတ်ပြီး ယာဉ်၏ Wheel Tax တွင် ပါရှိသည့် Hologram အမှတ်အားသား Scan ဖတ်ကာ ယာဉ်နံပါတ်၊ တစ်ပတ် အတွင်း ဝယ်ယူပြီးသည့် ပမာဏ၊ ဝယ်ယူရန်ကျန်သည့် ပမာဏများအတိုင်း QR Code စနစ်ဖြင့် ရောင်းချ ပေးသွားမည်ဖြစ်ကြောင်း သိရသည်။

.

“QR Code မပါရင် မရောင်းပေးတော့ဘူး ဆိုတော့ Without စီးနေရတဲ့ အခြေခံလူတန်းစား ပြည်သူတွေ အတွက် အရမ်းခက်ခဲသွားမှာပေါ့။ ပြီးတော့ လယ်ယာလုပ်ငန်းတွေ၊ စက်လှေတို့လို အတွက်လည်း ဆီက ဝယ်လို့မရ ဖြစ်သွားမှာပေါ့” ဟု တောင်ကြီးဒေသခံတစ်ဦးက ၎င်း၏အမြင်ကို ပြောသည်။

.

လက်ရှိ တောင်ကြီးမြို့ အပါအဝင် ရှမ်ပြည်နယ်အတွင်းရှိ မြို့များတွင် စက်သုံးဆီ ဝယ်ယူရရှိနိုင်ရေးအတွက် အချိန်ကြာမြင့်စွာ တန်းစီစောင့်ဆိုင်းနေရပြီး ဆီတန်းစီသည့် ကား/ဆိုင်ကယ်တန်းကြောင့် လမ်းပိတ်ဆို့မှု များလည်း ဖြစ်ပေါ်နေသည်။

.

တောင်ကြီးမြို၏ စက်သုံးဆီ ရည်ညွှန်းဈေးနှုန်းများမှာ အောက်တိန်း 92 တစ်လီတာလျှင် ၄၅၇၅ ကျပ်၊ 95 တစ်လီတာလျှင် ၅၁၀၀ ကျပ်၊ ရိုးရိုးဒီဇယ် တစ်လီတာလျှင် ၅၅၇၅ ကျပ်နှင့် ပရီမီယံဒီဇယ် တစ်လီတာ လျှင် ၆၂၁၀ ကျပ် ဖြစ်ကာ ပြင်ပတွင် ဓါတ်ဆီတစ်လီတာလျှင် တစ်သောင်းကျပ်ဝန်းကျင်အထိ ပြန်လည် ရောင်းချမှုများ ရှိနေသည်။

.