.
၂၀၂၆ ခုနှစ်၊ မတ်လ ၁၈ ရက်
.
ရှမ်းပြည်နယ်မြောက်ပိုင်း၊ လားရှိုးမြို့တွင် မတ်လ
၁၆ ရက်၊ နေ့လယ်ပိုင်းက မိုးသည်းထန်ပြီး လေပြင်း တိုက်ခတ်မှုကြောင့် နေအိမ်တစ်လုံး ပျက်စီးကာ
စေတီတော်တစ်ဆူ ထိခိုက်သွားခဲ့ကြောင်း သိရသည်။
.
အဆိုပါ မိုးရွာသွန်းမှုကြောင့် လားရှိုးမြို့ ရပ်ကွက်
(၉) ရှိ နေအိမ်တစ်လုံး ပျက်စီးပြီး စေတီတော်တစ်ဆူ ထီးတော် တိမ်းစောင်းခဲ့ခြင်းဖြစ်ကြောင်း
သိရသည်။
.
“လူတွေတော့ မထိပါဘူး။ အိမ်အမိုးပေါက်ပြဲကုန်တယ်။
စေတီထီးတော် တိမ်းစောင်းတယ်။ သွပ်တွေတော့ လိုက်ကောက်ရတာပေါ့” ဟု
ရပ်ကွက်နေသူတစ်ဦးက ပြောသည်။
.
ကျိုးကျနေသည့် သစ်ကိုင်းသစ်ပင်များကို
မီးသတ်တပ်ဖွဲ့နှင့် ကမ်းလင့်လက်များပရဟိတအသင်းများက ဖယ်ရှားရှင်းလင်းခဲ့ကြောင်း
သိရသည်။
.
ထို့အပြင် မတ်လ ၁၅ ရက်နေ့လယ်ပိုင်းကလည်း
လားရှိုးတွင် မိုးသည်းထန်စွာရွာသွန်းမှုနှင့်အတူ
မိုးသီးအများအပြားကြွေကျခဲ့သေးသည်။
.
မိုးလေဝသပညာရှင် ဒေါက်တာစိုင်းခွန်အာကာက လာမည့်မတ်လ
၂၀ရက်မှ ၂၂ရက်အတွင်း နေပြည်တော်၊ မန္တလေးတိုင်း၊
ရှမ်းပြည်မြောက်ပိုင်းနှင့် ရှမ်းပြည်တောင်ပိုင်းဒေသများမှာ အပူကြောင့်ဖြစ်သည့်
မိုးတိမ်တိုက်များကြောင့် ရုတ်တရက် ကွက်ကျားမိုး ရွာနိုင်ပြီး မိုးနှင့်အတူ
မိုးခြိမ်း၊ မိုးကြိုးပစ်၊ မိုးသီးကြွေ၊ လေပြင်းတိုက်သည်များပါ ကြုံရနိုင်ကြောင်း ခန့်မှန်းထားသည်။
.
ဓါတ်ပုံ - ကမ်းလင့်လက်များလူမှုကူညီရေးအသင်း
.
No comments:
Post a Comment