.
၂၀၂၆ ခုနှစ်၊ မတ်လ ၂၆ ရက်
.
ရှမ်းပြည်နယ်မြောက်ပိုင်း၊ ကွတ်ခိုင်မြို့၊
ရပ်ကွက် (၂) ရှိ တအာင်း အမျိုးသမီးရေးရာရုံးဝင်းအတွင်း ယမန်နေ့ မတ်လ ၂၅ ရက်၊ နေ့လယ်ပိုင်းက
စစ်ကျန်ဗုံးတစ်လုံး ပေါက်ကွဲမှုဖြစ်ပွားပြီး ၃ ဦး ထိခိုက်ဒဏ်ရာရရှိခဲ့ကြောင်း သိရသည်။
.
.jpg)
ဗုံးမှာ စစ်ဦးထုပ်အောက်တွင် ရှိနေခြင်းဖြစ်ပြီး ယင်းဦးထုပ်ကို
သွားရောက်ဖယ်ရှားမိရာက ပေါက်ကွဲမှု ဖြစ်ပွားခဲ့ခြင်းဖြစ်ကြောင်း သိရသည်။
.
အဆိုပါ ပေါက်ကွဲမှုကြောင့် အသက် ၆၃ နှစ်အရွယ် အမျိုးသမီးတစ်ဦးနှင့်
အသက် ၁၃ နှစ်နှင့် ၁၀ နှစ်အရွယ် ကလေးငယ် ၂ ဦးတို့ ထိခိုက်ဒဏ်ရာရရှိခဲ့ခြင်းဖြစ်ကြောင်း
သိရသည်။
.
“ထင်းသွားရှာရင်းဖြစ်တာ။ အခု ၃
ယောက်လုံးသိန္နီဆေးရုံမှာပါ” ဟု လူမှုရေး ဆရာမတစ်ဦးက ကပြောသည်။
.
ထိခိုက်ဒဏ်ရာရသူ ၃ ဦးတွင် အသက် ၆၃ နှစ်အရွယ် ဒေါ်အေးရွှေသည်
နောက်ကျော အစဝင်ဒဏ်ရာ၊ အသက် ၁၂ နှစ်အရွယ် ကလေးငယ်တွင် ခြေဖမိုးကြေမွဒဏ်ရာနှင့် အသက်
၁၀ နှစ်အရွယ် ကလေးငယ်တွင် လက်ဒဏ်ရာများ အသီးသီး ရရှိခဲ့ကြောင်း သိရသည်။
.
စစ်အကြွင်းအကျန် ပေါက်ကွဲစေတတ်သည့် ပစ္စည်းများကို
တွေ့ရှိပါက မထိမကိုင်ရန်နှင့် နီးစပ်ရာ တပ်စခန်းသို့ အမြန်သတင်းပို့ရန် MNDAA
အုပ်ချုပ်ရေးက အသိပေးလျက်ရှိပြီး ကွတ်ခိုင်မြို့ကို လက်ရှိတွင် MNDAA
က ထိန်းချုပ်ထားသည်။
.
No comments:
Post a Comment