.
၂၀၂၆ ခုနှစ်၊ မတ်လ ၂၄ ရက်
.
ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊
ပင်လောင်းမြို့နယ်၊ နောင်တရားမြို့တွင် ယမန်နေ့ မတ်လ ၂၃ ရက်၊ ညနေပိုင်းက မီးလောင်မှုတစ်ခု
ဖြစ်ပွားခဲ့ကြောင်း သိရသည်။
.
နောင်တရားမြို့၊ ရပ်ကွက် (၁) ရှိ နေအိမ်တစ်လုံးတွင်
ယမန်နေ့ ညနေ ၄ နာရီခွဲခန့်က မီးလောင်မှု ဖြစ်ပွားခဲ့ခြင်းဖြစ်ပြီး မီးလောင်မှုဖြစ်ပွားရာသို့
နောင်တရားနယ်မြေမီးသတ်စခန်းမှ မီးငြှိမ်းသတ်ယာဉ် ၁ စီး၊ မီးသတ်ရေသယ်ယာဉ် ၁ စီး၊
သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် သွားရောက် ငြှိမ်းသတ်ခဲ့ရာ
ညနေ ၄ နာရီ ၄၅ မိနစ်တွင် မီးငြိမ်းသွားခဲ့ကြောင်း မီးသတ်တပ်ဖွဲ့က သတင်းထုတ်ပြန် ထားသည်။
.
မီးလောင်မှုဖြစ်ပွားသည့်နေရာမှာ ဓါတ်ဆီသိုလှောင်ထားသည့်
ဂိုထောင်တစ်ခုဖြစ်ကြောင်း ဒေသခံများက ပြောဆိုကြပြီး မီးလောင်မှုကြောင့် လူထိခိုက်မှု
မရှိခဲ့ကြောင်း သိရသည်။
.
အလားတူ တောင်ကြီးမြိုနယ်၊ အေးသာယာမြို၊
(၃)ရပ်ကွက်၊ သရက်ပင်တောရ ဓမ္မရိပ်သာကျောင်းတိုက် အနီးတွင်လည်း ယမန်နေ့ မတ်လ ၂၃ ရက်၊
ညပိုင်းက တောမီးလောင်ကျွမ်းမှုတစ်ခု ဖြစ်ပွားခဲ့သေးသည်။
.
No comments:
Post a Comment