ရှမ်းပြည်နယ်၊
တောင်ကြီးမြို့နယ်၊ ရွှေညောင်မြို့နေ Grade 11 ကျောင်းသူ တစ်ဦးကို သွေးဆောင် ဖြားယောင်း၍
ခေါ်ဆောင်သူ ၂ ဦးကို ယနေ့ ဩဂုတ်လ ၃၁ ရက်တွင် ဖမ်းဆီး အရေးယူးထားသည်ဟု သိရသည်။
.
ပြီးခဲ့သည့်
ဩဂုတ်လ ၂၈ ရက်တွင် ရွှေညောင်မြို့နေ အသက် ၁၇ နှစ်အရွယ် ကျောင်းသူ တစ်ဦး ပျောက်နေသဖြင့်
မိခင်ဖြစ်သူက ရဲစခန်းတွင် အမှုဖွင့်ထားခဲ့ခြင်း ဖြစ်ပြီး ယခုတွင် ကျောင်းသူအား သွေးဆောင်
ဖြားယောင်း၍ ခေါ်ဆောင်သူများကို ဖမ်းမိခဲ့ခြင်း ဖြစ်ကြောင်း သိရသည်။
.
ယင်းကဲ့သို့
အမှုဖွင့်လှစ်၍ စုံစမ်းမှုအရ မန္တလေးတိုင်းဒေသကြီး ၊
ချမ်းမြသာစည်မြို့နယ် ၊ မြရည်နန္ဒာရပ်ကွက်နေ နေဦးလှိုင် သည် တောင်ကြီးမြို့၊
ဘုရားဖြူရပ်ကွက်နေ နန်းခမ်းလေ အား ကျောင်းသူကို ခေါ်ဆောင်၍ မန္တလေးသို့
လာရောက်ရန် ခိုင်းစေသဖြင့် နန်းခမ်းလေ က ကျောင်းသူ ကို မန္တလေးသို့
ခေါ်ဆောင်သွားခြင်း ဖြစ်သည်ဟု သိရခြင်း ဖြစ်သည်။
.
ယင်းနောက်
ကျောင်းသူ၏ မိဘအုပ်ထိန်းသူနှင့် ရဲတပ်ဖွဲ့ဝင်များက မန္တလေးသို့ သွားရောက်ပြီးနောက်
ကျောင်းသူ မိန်းကလေးငယ်အား ခေါ်ဆောင်ပြီးနောက် သွေးဆောင် ဖြားယောင်းသူ ၂ ဦးကိုလည်း
ဖမ်းဆီးခဲ့ကြောင်း သိရသည်။
.
အဆိုပါ
မိဘ အုပ်ထိန်းသူ၏ ခွင့်ပြုချက် မရှိဘဲ အသက် ၁၇ နှစ်အရွယ် ကျောင်းသူကို
သွေးဆောင် ဖြားယောင်း၍ ခေါ်ဆောင်ခဲ့ကြသည့် နေဦးလှိုင် နှင့်
နန်းခမ်းလေ တို့ကို ရွှေညောင်နယ်မြေရဲစခန်းတွင် ရာဇသတ်ကြီးပုဒ်မ-၃၆၃
ဖြင့် အမှုဖွင့် အရေးယူထားသည်ဟု သိရသည်။
No comments:
Post a Comment