အကျဥ်းထောင်၊ အချုပ်ထောင်၊ အကျဥ်းစခန်း အသီးသီး၌ ပြစ်ဒဏ်ကျခံနေရသူများ အနက် သေဒဏ် ပြစ်ဒဏ်ကျခံနေရသူများ ကို ထောင်ဒဏ် တစ်သက်၊ ထောင်ဒဏ် တစ်သက်ကျခံနေရသူများကို ထောင်ဒဏ် နှစ် ၄၀ သို့ လျှော့ပေါ့ ကျခံစေရန် ပြစ်ဒဏ်လွတ်ငြိမ်းသက်သာခွင့်ပေး လိုက်ကြောင်း ယနေ့ ဧပြီလ ၁၇ ရက် (နှစ်ဆန်းတစ်ရက်နေ့)တွင် သမ္မတရုံး ထုတ်ပြန်ချက်အရ သိရသည်။
.
ထို့အပြင် ထောင်ဒဏ် နှစ် ၄၀ အထက် ကျခံနေရသူများကို ထောင်ဒဏ် နှစ် ၄၀ သို့ လည်းကောင်း၊ ထောင်ဒဏ် နှစ် ၄၀ နှင့်အောက် ကျခံနေရသူများကို ကျခံရန် ကျန်ရှိနေသည့် ပြစ်ဒဏ် ၏ ခြောက်ပုံ တစ်ပုံအား လျှောပေါ့ ကျခံစေရန် လွတ်ငြိမ်းသက်သာခွင့် ပြုခဲ့ကြောင်းလည်း သိရသည်။
ထို့အတူ နောက်တစ်ကြိမ် ပြစ်မှု ထပ်မံ ကျူးလွန်ပါက ၎င်းပြစ်ဒဏ်အပြင် ယခု ကျခံရန်ရှိသော ပြစ်ဒဏ်များကိုပါ ဆက်လက်ကျခံပါမည်ဟူသော သတ်မှတ်ချက်ဖြင့် အကျဥ်းသား/သူ ၄၃၃၅ ဦးကို လည်းကောင်း၊ နိုင်ငံခြားသား အကျဥ်းသား/သူ ၁၇၉ ဦးကို လည်းကောင်း ပြစ်ဒဏ်လွတ်ငြိမ်းခွင့် ပြုခဲ့သည်။
မြန်မာနှစ်သစ်မင်္ဂလာအခါ သမယ အထိမ်းအမှတ်အားဖြင့် လည်းကောင်း၊ ပြည်သူလူထုနှလုံးစိတ်ဝမ်း အေးချမ်းစေရန်နှင့် လူသားချင်းစာနာထောက်ထားမှုကို အလေးထားသောအားဖြင့် လည်းကောင်း လွတ်ငြိမ်းသက်သာခွင့် ပြုခြင်း ဖြစ်သည်ဟု ထုတ်ပြန်ချက်၌ ဖော်ပြပါရှိသည်။
.
#KBZTai #Shan #News
No comments:
Post a Comment