မိုင်းပန်-မိုင်းဆတ်ကားလမ်းတွင် ယာဉ်တိမ်းမှောက်မှုဖြစ်ပွားပြီး ယာဉ်မောင်း သေဆုံး

.

၂၀၂၆ ခုနှစ်၊ ဧပြီလ ၅ ရက်

.

ရှမ်းပြည်နယ်တောင်ပိုင်းနှင့် အရှေ့ပိုင်းတို့ကို ဆက်သွယ်ထားသည့် မိုင်းပန်-မိုင်းဆတ်ကားလမ်းတွင် ယမန်နေ့ ဧပြီလ ၄ ရက်၊ နေ့လယ်ပိုင်းက ယာဉ်တိမ်းမှောက်မှုတစ်ခု ဖြစ်ပွားပြီး ယာဉ်မောင်းအမျိုးသား သေဆုံးခဲ့ကြောင်း သိရသည်။

.

.

မိုင်းပန်-မိုင်းဆတ် ကားလမ်း၊ ရွာသာယာကျေးရွာ၊ မိုင်တိုင်အမှတ် (၁၀၃/၄) နှင့် (၁၀၃/၅) ကြားတွင် ယမန်နေ့ ဧပြီလ ၄ ရက်၊ မွန်းလွဲ ၂ နာရီခွဲ ခန့်က ယာဉ်တစ်စီး တိမ်းမှောက်ခဲ့ပြီး ယာဉ်ပေါ်ပါ ၃ ဦး အနက် ယာဉ်မောင်းအမျိုးသားတစ်ဦး သေဆုံးကာ ယာဉ်ပေါ်တွင် လိုက်ပါလာသူ အမျိုးသားတစ်ဦး၊ အမျိုးသမီးတစ်ဦးတို့ ထိခိုက်ဒဏ်ရာများ ရရှိခဲ့ခြင်းဖြစ်ကြောင်း သိရသည်။

.

အဆိုပါ ယာဉ်တိမ်းမှောက်မှုမှ သေဆုံး၊ ဒဏ်ရာရရှိသူများအား မီးသတ်တပ်ဖွဲ့က ကယ်ဆယ်ရေး လုပ်ငန်းများ ဆောင်ရွက်ပေးပြီး ပုဂ္ဂလိကပိုင် ယာဉ်တစ်စီးဖြင့် မိုင်းပန် ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

.