.
၂၀၂၆ ခုနှစ်၊ ဧပြီလ ၆ ရက်
.
ရှမ်းပြည်နယ်အရှေ့ပိုင်း၊ ကျိုင်းတုံမြို့တွင် ယမန်နေ့
ဧပြီလ ၅ ရက်၊ နေ့လယ်ပိုင်းက ဆိုင်ကယ်လုယက်မှု ဖြစ်ပွားခဲ့ကြောင်း သိရသည်။
.
ကျိုင်းတုံမြို့၊ ကျောက်တိုင်ကွေ့၊ ရပ်တော်မူကုန်းတက်၊
ဧဒင်အလှပြင်ဆိုင်အနီးတွင် ယမန်နေ့ ဧပြီလ ၅ ရက်၊ နေ့လယ် ၂ နာရီခွဲခန့်က ဆိုင်ကယ်စီးလာသူ
အမျိုးသမီးတစ်ဦးကို အမျိုးသား ၂ ဦးက ဆိုင်ကယ်လဲကျ ထိခိုက် ဒဏ်ရာရသည်အထိ အကြမ်းဖက် လုယက်ခဲ့ခြင်းဖြစ်ကြောင်း
သိရသည်။
.
“ဖုန်းလည်း လွင့်ကျ၊ လူလည်း ဒရွတ်တိုက်ပါသွားတယ်။
ဆိုင်ကယ်နဲ့ အနောက်ကကားတွေ ရောက်လာတော့ အဲဒီကောင်တွေက ပြေးပြီ။ လူလည်း မထနိုင်၊ ဘေးကလူတွေ
ဝိုင်းထူမှ ထနိုင်တာမို့ ရုပ်တွေကိုမှတ်မိတယ်” ဟု လုယက်ခံရသူ အမျိုးသမီးက ပြောသည်။
.
အဆိုပါ လုယက်မှုကြောင့် ဆိုင်ကယ်မောင်းနှင်သူ အမျိုးသမီးတွင်
ဝဲဘက်ခြေဖမိုး ပေါက်ပြဲဒဏ်ရာများ ရရှိခဲ့ကြောင်း သိရသည်။
.
No comments:
Post a Comment