.
၂၀၂၆ ခုနှစ်၊ ဧပြီလ ၃ ရက်
.
ရှမ်းပြည်နယ်အရှေ့ပိုင်း၊ ကျိုင်းတုံမြို့တွင် ယမန်နေ့ ဧပြီလ ၂ ရက်က ဆိုင်ကယ်ခိုးယူလာသူဟု သံသယရှိသူ တစ်ဦးကို ဖမ်းဆီးရမိခဲ့ကြောင်း သိရသည်။
.
ကျိုင်းတုံမြို့၊ မြို့ရှောင်လမ်းဘက်မှ မြို့တွင်းဘက်သို့ ဆိုင်ကယ်စီးနင်းမောင်းနှင်လာသော ချန်ဇီး (ခ) အားစီး ဆိုသူအား တာဝန်ရှိသူများက မသင်္ကာသဖြင့် ရပ်တန့်စစ်ဆေးရှာဖွေရာ ဆိုင်ကယ်နှင့် ပတ်သက်၍ ပိုင်ဆိုင်ကြောင်း အထောက်အထား မပြသနိုင်သဖြင့် ဖမ်းဆီးခဲ့ခြင်းဖြစ်ကြောင်း သိရသည်။
.
“ဆိုင်ကယ်ပျောက်မှုတွေကတော့ မကြာခဏ ကြားနေရတာရှိပါတယ်။ ဆိုင်ကယ်ပိုင်ရှင် ကိုယ်တိုင်ရော ရပ်ကွက်ကျေးရွာနေ ပြည်သူများကပါ လုံခြုံရေးသတိနဲ့ ပူးပေါင်းပါဝင်ကြရင်တော့ မှုခင်းကျဆင်းရေး အတွက်လည်း ကြီးမားတဲ့အထောက်အကူ အကျိုးကျေးဇူးကို ရစေမှာဖြစ်ပါတယ်” ဟု တာဝန်ရှိသူတစ်ဦးက ပြောသည်။
.
သို့ဖြစ်၍ ဆိုင်ကယ်ခိုးယူသူဟုသံသယရှိသူ ချန်ဇီး (ခ) အားစီး အားကျိုင်းတုံမြို့မရဲစခန်းတွင် ရာဇသတ်ကြီး ပုဒ်မ ၃၈၀/ကျင့် ၅၄ ဖြင့် အမှုဖွင့်အရေးယူထားကြောင်း သိရသည်။
.
No comments:
Post a Comment