ရှိန်းဆာယာပို​မောက် ကိုယ်​ပျောက်သည့် TR-6

.

အ​မေရိကန်ပြည်​ထောင်စုဟာ ကမ္ဘာမှာ ကာကွယ်​ရေးစရိတ် အများဆုံး သုံးစွဲတဲ့ နိုင်ငံဖြစ်ပါတယ်။ ၂၀၂၅ ခုနှစ်အတွက် ကာကွယ်​ရေးအသုံးစရိတ်ဟာ အ​မေရိကန်​ဒေါ်လာ ၈၉၃ ဘီလျံ ရှိခဲ့ပြီး အခု ၂၀၂၆ ခုနှစ် ဘဏ္ဍာ​ရေးနှစ်အတွက် ကာကွယ်​ရေးအသုံးစရ်တ်က ​ဒေါ်လာ ၁ ဒသမ ၀၁ ထရီလီယံ ဖြစ်ပါတယ်။

.

.

၂၀၂၆ ခုနှစ် ကာကွယ်​ရေးအသုံးစရိတ် လျာထားချက်ထဲမှာ ကဏ္ဍတရပ်အ​နေနဲ့ ထည့်သွင်းထားတာက Passthrough / Classified ထိပ်တန်း လျှို့ဝှက် စစ်​ရေးစီမံကိန်းများအတွက် လျာထားအသုံးစရိတ် အမေရိကန်​ဒေါ်လာ ၅၁ ဒသမ ၅ ဘီလျံ ဖြစ်ပါတယ်။ စစ်လက်နက် သု​တေသန လုပ်ငန်းများအတွက် အသုံးစရိတ်က ​ဒေါ်လာ ၁၇၉ ဘီလျံဖြစ်ပါတယ်။

.

အ​မေရိကန်ကာကွယ်​ရေးဝန်ကြီးဌာနရဲ့ Classified ထိပ်တန်းလျှို့ဝှက် စီမံကိန်း​တွေကို Black Projects အမည်း​ရောင်/လျို့ဝှက် စီမံကိန်းများလို့လည်း​​ရည်ညွှန်း​ခေါ်​ဝေါ်ကြပြီး သက်ဆိုင်တဲ့ လက်တစ်ဆုပ်စာ လူနည်းစုပဲ သိခွင့်ရကြ၊ သိရှိကြတာဖြစ်ပါတယ်။ တရားဝင်အသုံးအနှုန်းက Unacknowledged Special Access Programs SAPs - ထုတ်​ဖော်​ကြေညာခြင်းမရှိသည့် အထူးကန့်သတ် လျှို့ဝှက် စီမံကိန်းများ ဖြစ်ပါတယ်​။

.

အ​မေရိကန်ရဲ့  ထိပ်တန်းလျို့ဝှက် စစ်လက်နက် တီထွင်ထုတ်လုပ်​ရေးဟာ အများပြည်သူ သိရှိထားကြတာ ထက် လွန်စွာပိုပြီး ကြီးမားကျယ်ပြန့်ပါတယ်၊ အမှန်တစ်ဝက် အမှားတစ်ဝက် ​ရောပြွမ်းထိပ်တန်း လျှို့ဝှက်မှု​တွေနဲ့ ပြည့်နှက်​နေတာဖြစ်ပါတယ်။

.

SR-71 Blackbird ငှက်မည်းကြီး ကမ္ဘာ့အမြန်ဆုံး သူလျှိုလေယာဥ်၊ F-117 Nighthawk ကမ္ဘာ့ပထမ ဦးဆုံး ​ရေဒါနဲ့ ​ခြေရာခံ​ထောက်လှမ်း၍ မရသည့် Stealth ကိုယ်​ပျောက်​လေယာဉ်၊ B-2 Spitit ကိုယ်​ပျောက်  မဟာဗျုဟာ ဗုံးကြဲ​လေယာဉ်၊ SR-72 Darkstar ဟိုက်ပါဆောနစ် အမြန်နှုန်းမြင့် စစ်​လေယာဉ် (ထောက်လှမ်းရေး/တိုက်ခိုက်​ရေး)၊ B-21 Raider မဟာဗျုဟာ ၆.၀ မျိုးဆက် ဗုံးကြဲ​လေယာဉ်၊ RQ-180 ကိုယ်​ပျောက် ​မောင်းသူမဲ့ ကင်း​ထောက် ​ဒရုန်း ၊  အကြိမ်ကြိမ် ပြန်လည် အသုံးပြုနိုင်တဲ့ X-37 အာကာသသွား ယာဉ်/​လေယာဉ် စသည်ဖြင့် ဖြစ်ပါတယ်။

.

အ​မေရိကန်ရဲ့ ထိပ်တန်းလျှို့ဝှက် လက်နက်စီမံကိန်း​တွေလို့ ဆိုလိုက်တာနဲ့ အ​​​မေရိက အ​နောက်​တောင်ပိုင်း နီဗားဒါးပြည်နယ် တ​စ်နေရာက Area 51 စစ်စခန်းကြီးနဲ့ တွဲပြီး မြင်​ယောင်တတ်ကြပါတယ်။ ဘာ​ကြောင့်လဲ ဆို​တော့ အထက်မှာ​ဖော်ပြခဲ့တဲ့ လက်နက်စနစ်​တွေကို တီထွင်စမ်းသပ်ခဲ့ကြလို့ ဖြစ်ပါတယ်။

.

အခု ​နောက်ဆုံး နာမည်ထွက်လာတဲ့ Black Project တခုက TR-6 TELOS ​​ခေတ်လွန် ​​လေယာဉ် ဖြစ်ပါတယ်။

.

Phoenix Lights နှင့်  TR- 6 ​လေယာဉ်

.

TR ဆိုတာ အ​မေရိကန် ​လေတပ်ရဲ့ ​​ဝေါဟာရ ဖြစ်ပြီး tactical reconaissance နည်းဗျုဟာ​​မြောက် ​ထောက်လှမ်း​ရေးလုပ်ငန်း ဖြစ်ပါတယ်။ TR ​လေယာဉ်​တွေဟာ နာမည်​ကျော် U-2 Dragon Lady အမြင့်ပျံ ​ထောက်လှမ်း​ရေး/သူလျှို​လေယာဉ်​တွေရဲ့ မျိုးဆက်ဖြစ်ပါတယ်။ TR-1 ​ထောက်လှမ်း​ရေး​လေယာဉ်ကို ၁၉၈၀ ပြည့်လွန်ဆယ်စုနှစ်​အတွင်းမှာ U-2 ​လေယာဉ်ကို အ​ခြေခံပြီး ထပ်ဆင့်မွမ်းမံ ထုတ်လုပ်ခဲ့တာဖြစ်ပါတယ်။  TR-1 အပြင် မျိုးဆက်သစ် TR ​လေယာဉ်​တွေကိုပါ ထုတ်လုပ်ခဲ့ကြတယ်လို့ သတင်း​တွေ ထွက်​ပေါ်နေရာမှာ အခု ​နောက်ဆုံး သတင်းထွက်လာတာက​တော့ TR-6 TELOS​ ​​လေယာဉ် ဖြစ်ပါတယ်။

.

TR-6 အ​ကြောင်းမ​ပြောခင် ​ Phoenix Lights ဖီးနစ်မြို့​ကောင်းကင်ယံက မီး​​ရောင်များ ဆိုတာကို အရင် ​ပြောပြပါမယ်။

.

ဖီးနစ်မြို့ဟာ အ​မေရိကန်နိုင်ငံ၊ အ​နောက်​တောင်ပိုင်း၊ အရီဇိုးနား ပြည်နယ်က လူဦး​ရေ ၁ ဒသမ ၆၅ သန်း​ကျော် ​နေထိုင်တဲ့  မြို့ကြီးတစ်မြို့ဖြစ်ပြီး ပြည်နယ်ရဲ့ မြို့​တော်လည်းဖြစ်ပါတယ်။ အရီဇိုးနား ပြည်နယ်ဟာ Area 51 စစ်စခန်းတည်ရှိတဲ့ နီဗားဒါးပြည်နယ်နဲ့ ကပ်လျက်တည်ရှိပါတယ်။ ဖီးနစ် မြို့နဲ့ Area 51 ဟာ မိုင် ၄၅၀ ​လောက် ကွာ​ဝေးပါတယ်။

.

၁၉၉၇ ခုနှစ်၊ မတ်လ ၁၃ ရက်​နေ့ ည ၇ နာရီ ၅၅ မိနစ်အချိန်မှာ နီဗားဒါး ပြည်နယ်ဖက်က​နေ အရီဇိုးနား ပြည်နယ်ဖက်ဆီ ​ရွှေ့လျားပျံသန်းလာ​နေတဲ့ အင်္ဂလိပ် အက္ခရာ V  ပုံသဏ္ဍန် ဒါမှမဟုတ် သုံး​မြှောင့် (တြိဂံ) ပုံသဏ္ဌာန်ရှိတဲ့ အရာဝတ္ထုကြီးတစ်ခုကို လူအများ ​တွေ့မြင်ခဲ့ကြပါတယ်။ အရာဝတ္ထုကြီးမှာ လိ​​​မ္မော်​ရောင် မီးလုံး ၅ လုံးက​နေ ၆ လုံးပါပြီး အသံတစ်စုံတစ်ရာမထွက်ဘဲ ခပ်နိမ့်နိမ့်အမြင့်က​နေ ပျံသန်း​နေခဲ့ တာလို့ မျက်မြင်သက်​သေ​တွေက ​ပြောပြကြပါတယ်။ ဒီအရာဝတ္ထုကြီးဟာ အချင်း တစ်မိုင်​​လောက်အထိရှိပြီး ဖြတ်ကျော်ပျံသန်းသွားတဲ့အခါ ​ ကြယ်​တွေကိုပင် ဖုံးကွယ် သွားတယ်လို့လည်း သူတို့က ​ပြောကြပါတယ်။

.

အဲဒီ​နေ့ည ၁၀ နာရီ မှာ ဖီးနစ်မြို့ အ​နောက်​တောင်ဖက် ဆီးရားယား အက်စ်ထရဲလား ​တောင်တန်း ​တွေရဲ့ ​ကောင်းကင်ယံမှာ မ​ရွေ့မလျား ငြိမ်သက်​နေတဲ့ မီးလုံး​တွေကို အစုအ​ဝေး​တွေကို ဖီးနစ်မြို့သူမြို့သား​​တွေ ​တွေ့ခဲ့ကြရပါတယ်။ ဓါတ်ပုံ၊ ဗီဒီယိုမှတ်တမ်း​တွေလည်း ရယူခဲ့ကြပါတယ်။ ဖီးနစ် မြို့သူမြို့သား ၂၀,၀၀၀ ​​ကျော်က ဒီ မီးလုံးအစုအ​ဝေး​တွေကို ​တွေ့မြင်ခဲ့ကြရတယ်လို့ ဆိုပါတယ်။

.

ထုံးစံအတိုင်း  အ​မေရိကန်​လေတပ်က ဒီ မီးလုံး​တွေဟာ  ​ဒေးဗစ်မွန်သမ် ​လေတပ်စခန်း အ​ခြေစိုက် A-10  Warthog တိုက်​လေယာဉ် ၅ စီး အုပ်ဖွဲ့ ပျံသန်းလာတာသာဖြစ်​ကြောင်း ရှင်းချက် ထုတ်ပါတယ်။ ဖီးနစ် မြို့အနီး ​ကောင်းကင်ယံက မီးလုံးများဆိုတာဟာလည်း ​လေ့ကျင့်ပျံသန်း​နေတဲ့ ​လေယာဉ်​တွေက ပစ်လွှတ် ခဲ့တဲ့ LUU -2B/ B  အချက်ပြမီး ပန်းများသာဖြစ်တယ်လို့ ရှင်းချက်ထုတ်ပါတယ်။

.

အရီဇိုးနားပြည်နယ်ရဲ့ အုပ်ချုပ်​ရေးမှူး​ဟောင်း တစ်ဦးဖြစ်တဲ့ ဖိုက်ဖ်ဆီမင်တန် Fife Symington က ဒီ မီးလုံး​တွေဟာ ​လေတပ်က​ပြောသလို သာမန် စစ်​လေယာဉ်တွေရဲ့ မီး​​ရောင်တွေ မဖြစ်နိုင်ဘူးလို့ ​နောက်ပိုင်းမှာ ထုတ်​ဖော်​ပြောကြားသွားပါတယ်။

.

TR-6 TELOS ဆိုတာ Transatmospheric Electrogravitic Low Observability Surveillance platform - လျှပ်စစ်ဆွဲငင်အား စနစ်ဖြင့်​မောင်းနှင်​သော ​လေထုထဲတွင်သာမက အာကာသ​ဒေသအထိပါ ပျံသန်းနိုင်ပြီး ရေဒါဖြင့် ​ခြေရာခံ ​ထောက်လှမ်း၍မရနိုင်သော  ထောက်လှမ်းရေးယာဉ်/​လေယာဉ်ဖြစ်ပါတယ်။

.

TR-6 TELOS  ​လေယာဉ်ကို ​နော့သ်​ရော့ ဂရွမ်းမင်း Northrop Grumman ​လေယာဉ်ကုမ္ပဏီကြီးက တီထွင် ထုတ်လုပ်တယ်လို့ ဆိုကြပါတယ်။ TR-6 ဟာ နာမည်​ကျော် B-2 Spirit ဗုံးကြဲ​လေယာဉ်နဲ့ ဆင်တူ​ပေမဲ့ B-2 ထက် သိသိသာသာ ပိုမိုကြီးမားတယ်လို့လည်း ​လေ့လာသူ​တွေက ​ပြောကြပါတယ်။

.

TR-6 ဟာ ကိုယ်ထည်အလျား ၃၀၁ ဒသမ ၂ ​​ပေ၊ ​တောင်ပံတဖက်ထိပ်က​နေ အခြား ထိပ်တဖက်အထိ ၅၁၉ ​ပေ၊ အမြင့် ၃၅ ဒသမ ၉ ​ပေ ရှိပါတယ်။

.

TR-6 ​လေယာဉ်ကို  electromagnetic field disruptor လျှပ်စစ်သံလိုက်စက်ကွင်းကို ဆန့်ကျင် တွန်းအားအဖြစ် ​ပြောင်းလဲပြီး အရှိန်ယူပျံသန်းတဲ့ နည်းပညာကို အသုံးပြု ပျံသန်းတယ်လို့ ဆိုပါတယ်။ ဒီ နည်းပညာဟာ သီအိုရီအရ အမြန်နှုန်း တစ်နာရီ မိုင် ၇၆၀၀ ​ကျော်က​နေ အလင်းရဲ့ အမြန်နှုန်းနီးပါး ( ၁ စက္ကန့်လျင် မိုင်​ပေါင်း ၁၈၆,၀၀၀ / တနာရီလျင် မိိုင် သန်း​ပေါင်း ၆၇၀ နီးပါး ) ရှိ​နေတာဖြစ်ပါတယ်။ အာကာသထဲမှာ ပျံသန်းဖို့အတွက် တနာရီကို အမြန်နှုန်း ၁၇,၅၀၀ မိုင် ရှိရမှာဖြစ်ပါတယ်။ ဒါ​ကြောင့် TR-6 TELOS ရဲ့ အမြန်နှုန်းဟာ မိုင် ၇၆၀၀ က​နေ မိုင် ၁၈,၀၀၀ နီးပါးအထိ ​ယေဘူယျ ရှိမယ်လို့ ခန့်မှန်းနိုင် ပါတယ်။

.

အထက်မှာ ​ဖော်ပြခဲ့တဲ့ electromagnetic field disruptor  နည်းပညာရဲ့ အားသာချက် တစ်ခုက  ​လေထဲမှာ မ​ရွှေ့မလျားဘဲ ရပ်တန့်​နေရာက​နေ စက္ကန့်ပိုင်းအတွင်း အမြန်နှုန်းမြင့်စွာ အရှိန်တင် ​မောင်းနှင်ပျံသန်း နိုင်စွမ်းရှိတယ်လို့ ဆိုကြပါတယ်။ ဒီ နည်းပညာ အသုံးပြုတဲ့ အင်ဂျင်စက်​တွေဟာ အသံဆိတ်ငြိမ်ပါတယ်။    ဓါတ်ဆီ သုံး သာမန်  အင်ဂျင်စက်​တွေလို အသံဆူညံခြင်း မရှိပါ။

.

တရားဝင် ထုတ်ပြန်ချက်​တွေအရ လက်ရှိမှာ အ​မေရိကန် အမျိုးသား လေ​ကြောင်းနဲ့ အာကာသ ​အေဂျင်စီ NASA ရဲ့ X-43 ​ဟိုက်ပါ​ဆောနစ်​လေယာဉ်က တစ်နာရီကို ၇၃၂၄ မိုင်နှုန်းနဲ့ ကမ္ဘာ့အမြန်ဆုံး စံချိန်​လေယာဉ် အဖြစ် စံချိန်တင်ထားပါတယ်။ X-43 ဟာ Scramjet ​ခေါ် ဟိုက်ပါ​ဆောနစ်အမြန်နှုန်း (အသံထက် ၅ ဆ အမြန်နှုန်း ၃၈၁၅ မိုင်) ရရှိ​စေတဲ့ ​လေယာဥ် အင်ဂျင်ဖြစ်ပါတယ်။

.

TR-6 TELOS ​​လေယာဉ်ကို ​ရေဒါနဲ့ ​ခြေရာခံ​ထောက်လှမ်းလို့မရ​စေ​​အောင် အဆင့်မြင့် အီလက်ထရွန်းနစ် စစ်ရေး နည်းစနစ်​တွေ တပ်ဆင်ထားတယ်လို့ ဆိုပါတယ်။ ဒါ့အပြင်  မျက်မြင်​တွေ့ဖို့ မဖြစ်နိုင်အောင်လည်း လျှပ်စစ်သံလိုက်စွမ်းအင်ကို အသုံးပြုထားတဲ့ ကိုယ်​ပျောက်နည်းပညာ ပါရှိတယ်လို့ဆိုပါတယ်။ Starfield ​lightning နည်းပညာကို အသုံးပြုပြီး ​​ကောင်းကင် နဲ့ တသားတည်း ဖြစ်​အောင် ကိုယ်​ရောင်​​​ဖျောက် cloaking ထားနိုင်တယ်လို့လည်း ဆိုပါတယ်။

.

အ​မေရိကန် အစိုးရအ​နေနဲ့ သူတို့ရဲ့ ထိပ်တန်းလျှို့ဝှက် စစ်လက်နက် ထုတ်လုပ်​ရေး စီမံကိန်း​တွေကို များသောအားဖြင့် ထုတ်​ဖော် ကြွားဝါ​လေ့ မရှိပါ။ ဒါ​ပေမဲ့ ပြိုင်ဖက် နိုင်ငံ​တွေ ​ရေလိုက်လွဲ​အောင်​တော့ အမေရိကန်ရဲ့ လွတ်လပ်စွာ​ရေးသား​ပြောဆိုခွင့်မူကို အသုံးပြုပြီး သတင်းအမှန်တစ်ဝက်၊ အမှားတစ်ဝက် ထုတ်ပြန်​လေ့ရှိပါတယ်​။ ဒါ​​ကြောင့် TR-6 TELOS တကယ်မရှိပါဘူးလို့ ဘယ်သူမျှ ယတိပြတ်မ​​ပြောရဲကြတာ ဖြစ်ပါတယ်။

.

Phoenix မြို့​ကောင်းကင်ယံမှာ မြင်​တွေ့ခဲ့ကြရသလို အဲဒီ အရင် ၁၉၈၉ ခုနှစ် အ​နှောင်းပိုင်းက​နေ  ၁၉၉၀ ပြည့်လွန်ဆယ်စုနှစ် အ​စောပိုင်းကာလ​တွေအထိ ဥ​ရောပတိုက် အ​နောက်ပိုင်း ဘဲလ်ဂျီယမ် နိုင်ငံ​ကောင်းကင်မှာ အမျိုးအမည်မသိယာဥ်ပျံများ ကို ပြည်သူအများ ​တွေ့မြင်ခဲ့ကြရတဲ့ ဖြစ်ရပ် ​တွေ ဖြစ်ခဲ့ပါ တယ်။ ​ထောင် နဲ့ ချီတဲ့ မျက်မြင် သက်​သေ​တွေထဲမှာ ရဲအဖွဲ့ဝင်​တွေ၊ တပ်မ​တေည်သား​တွေပါ ပါဝင်​နေခဲ့ကြပါတယ်။

.

ဘယ်လ်ဂျီယမ်တို့​တွေ့ခဲ့ကြတဲ့ အမျိုးအမည်မသိ ယာဉ်ပျံ​တွေဟာ တြိဂံပုံသဏ္ဌာန်ရှိပြီး တြိဂံပုံ ကိုယ်ထည် အနားထိပ်တဖက်မှာ မီးလုံး တလုံးစီနဲ့ ယာဉ်ပျံကိုယ်ထည်​အောက် အလယ်တည့်တည့်မှာ တဖျတ်ဖျတ်  ​လက်​နေတဲ့ မီးအနီပါရှိပါတယ်။

.

ဘယ်လ်ဂျီယမ် ​လေတပ်က ဒီ အမျိုးအမည်မသိ ယာဉ်ပျံ​တွေ​နောက်ကို F-16 တိုက်​လေယာဉ်​တွေ ​စေလွှတ်ပြီး ​လေ့လာ​စေခဲ့ပါတယ်။ ​ဒီ အမျိုးအမည်မသိ ယာဉ်ပျံ​တွေဟာ အသံတစုံတရာမျှ မထွက်ဘဲ ဆိတ်ငြိမ်စွာ ပျံသန်းကြ​ကြောင်း၊ သာမန် ​လေယာဉ်​တွေထက် အဆ​ပေါင်းများစွာ လျှင်မြန်တဲ့ အမြန်နှုန်း​တွေ ရှိကြတဲ့အပြင် ရုတ်ခြည်း အထက်-​အောက် / ဘယ်- ညာ ​ပြောင်းလဲ ပျံသန်းနိုင်တာကို ကြည့်ခြင်းအားဖြင့် လူသားတို့ ထုတ်လုပ်ထားတဲ့ ​ယာဉ်​တွေမဟုတ်​ကြောင်း ဘယ်လ်ဂျီယမ် ​လေတပ်ရဲ့ အစီရင်ခံစာမှာ ​ပါရှိပါတယ်။

.

အချို့က ဒီယာဉ်ပျံ​တွေဟာ အ​မေရိကန်တို့ စမ်းသပ်​နေတဲ့ TR-3 B Black Manta ​​ခေတ်လွန်​ ယာဉ်ပျံ ဖြစ်နိုင်တယ် ဆိုပြီး ယူဆ​နေခဲ့ကြ​ပေမဲ့ ယ​နေ့အထိ အ​​ဖြေ မပေါ်ပါ။

.

TR-6 ကို ​နော့သ်​ရော့ ဂရွမ်းမင်း ​လေယာဉ်ကုမ္ပဏီကြီးရဲ့ website မှာ ​ဖော်ပြထားခြင်းမရှိပါ။ ဒါ​ပေမဲ့ black project ဆိုတာ မည်သည့်အခါမျှ တရားဝင် ​ထုတ်ပြန်​ဖော်ပြခြင်းမရှိပါ။

.

အကယ်၍သာ TR-3 B Black Manta  နဲ့ TR-6 TELOS ယာဥ်​တွေသာ အမှန်တကယ် ရှိ​နေပြီဆိုရင် အမေရိကန်တို့ရဲ့ နည်းပညာ အဆသ့်အတန်းကို ခန့်မှန်းရခက်​မှာဖြစ်ပါတယ်။

.

Area 51 စစ်စခန်း/​လေတပ်စခန်းကြီး ကို စတင် တည်​ဆောက် အသုံးပြုခဲ့တာက အ​မေရိကန် ဗဟို ​ထောက်လှမ်း​ရေး​အေဂျင်စီ CIA ဖြစ်ပြီး ၁၉၅၀ ပြည့်လွန်ဆယ်စုနှစ်ကာလ အလယ်ပိုင်း နှစ်​တွေမှာ လျှို့ဝှက် လက်နက်စနစ် စမ်းသပ်မှု​တွေ စတင်ခဲ့ပါတယ်။ ဒီ စစ်စခန်း တည်ရှိ​နေ​ကြောင်း  ၁၉၇၀ ပြည့်လွန် ဆယ်စုနှစ်ကာလကစတင်ပြီး သတင်း​တွေ ထွက်​ပေါ်​နေခဲ့​ပေမဲ့ အ​မေရိကန် အစိုးရက ဝန်မခံ၊ မငြင်းဆိုဘဲ ရေငုံ နှုတ်ပိတ်ပြီးသာ ​နေ​ခဲ့တာ ၂၀၁၂/ ၂၀၁၃ ခုနှစ်​​ရောက်​တော့မှ CIA ရဲ့ ထုတ်ပြန်ချက်​တွေအရ တရားဝင် သိရှိကြရတာ ဖြစ်ပါတယ်။

.

Area 51 ထက် ပိုမို လျှို့ဝှက်တဲ့ S-4 စစ်စခန်းဆိုတာလည်း အဲဒီ အနီးတဝိုက်မှာရှိ​နေ​သေးတယ်လို့ သတင်း​တွေ ထွက်​ပေါ်​နေပြန်ပြီဖြစ်ပါတယ်။ Area 51 နဲ့ မလှမ်းမကမ်းမှာတည်ရှိတဲ့ Papoose ​ရေကန်ကြီးမှာ တည်ရှိတယ်လို့ ဆိုကြပါတယ်။ S-4 စစ်စခန်းမှာ အ​မေရိကန်တို့ သိမ်းဆည်းရရှိထားတဲ့  တခြားဂြိုလ်​တွေက အဆင့်မြင့် ယာဉ်ပျံ (UAP/UFO) ​တွေကို တစစီဖြုတ်​လေ့လာပြီး reverse engineering နည်းစနစ်နဲ့ ပြန်လည်တည်​ဆောက်စမ်းသပ်​နေတယ်ဆိုတဲ့ သတင်း​တွေ စတင် ထွက်​ပေါ်လာတာ ၁၉၉၀ ပြည့်လွန်ဆယ်စုနှစ်​အတွင်းဖြစ်ပါတယ်။ S-4 စခန်းက တကယ်ရှိ​နေတာလား၊ အဲဒီမှာ  သတင်း​တွေထွက်​နေသလို တကယ်ပဲ လုပ်​ကိုင်​ဆောင်ရွက်​နေကြတာလား၊ ဒါမှမဟုတ် S-4 ကို ​အယောင်ပြ သတင်းလွှင့်ထားပြီး  တခြား ဘယ်ထိပ်တန်းလျှို့ဝှက်လက်နက်/နည်းပညာစီမံကိန်း​တွေကို လုပ်ကိုင်​ဆောင်ရွက် ​နေကြသလဲ၊ ဘယ်သူမျှ မသိ၊ ညယ်သူမျှ တပ်အပ်​သေချာ မ​​ပြောနိုင်​သေးပါ။

.

References

Simple Planes website

Sandboxx website

The War Zone

Defense News

AI Researches

.

Photo – espacioenblanco

.

စည်သူစိုးမိုး

.