အသက် ၉ နှစ်ပိုကြီးတဲ့ ပရိုဂျုဆာ ကိုကိုကြီးနဲ့ လက်ထပ်ပြီဖြစ်တဲ့ Apink ရဲ့ ဘိုမီ

.

၂၀၂၆ ခုနှစ်၊ မေလ ၁၆ ရက်

.

တောင်ကိုရီးယားရဲ့နာမည်ကျော် အမျိုးသမီး ကေပေါ့ပ်အဖွဲ့ Apink ရဲ့ အဖွဲ့ဝင် ဘိုမီ ကတော့ ဒီနေ့ မင်္ဂလာပွဲ ပြုလုပ်မှာဖြစ်ပြီး ပွဲအကြို စုံတွဲဓာတ်ပုံတွေကို ထုတ်ကြွားသွားခဲ့ပါတယ်။

.

.

၁၉၉၃ ခုနှစ်ဖွား၊ ကေပေါ့ပ်အဆိုတော်မလေး ဘိုမီ က ၂၀၁၁ ခုနှစ်မှာ Apink နဲ့အတူ ပွဲထွက်ခဲ့တာဖြစ်ပြီး အရမ်းအောင်မြင်ခဲ့တဲ့ ဒုတိယမျိုးဆက် မိန်းကလေး ကေပေါ့ပ်အဖွဲ့ဖြစ်လာခဲ့တာပါ။

.

လက်ရှိအချိန်မှာတော့ သူက Rado လို့ခေါ်တဲ့ နာမည်ကြီး တေးဂီတထုတ်လုပ်သူ၊ သီချင်းရေးသူ တစ်ယောက်နဲ့ လက်ထပ်တော့မှာဖြစ်ပြီး ရာဒိုက ဘိုမီထက် ၉ နှစ်ကြီးပါတယ်။

.

သူတို့နှစ်ယောက်တွဲနေတဲ့အကြောင်း ၂၀၂၄ ခုနှစ်မှာမှ ပရိသတ်ကို ပြောပြခဲ့ပေမJh တကယ်တမ်းမှာတော့ ၂၀၁၇ ခုနှစ်လောက်ကတည်းက တွဲနေခဲ့ကြတာလို့ သတင်းတွေ ထွက်နေတာပါ။

.

အနုပညာနာမည် ရာဒို လို့ခေါ်တဲ့ ဆောင်ဂျိုယောင်းက နာမည်ကျော်တေးထုတ်လုပ်တဲ့အဖွဲ့ Black Eyed Pilseung ရဲ့အဖွဲ့ဝင်တစ်ယောက်ပါ။ သူတို့က နှစ်ယောက်တွဲ သီချင်းထုတ်လုပ်သူတွေဖြစ်ပြီး Twice ၊ STAYC နဲ့ Apink တို့လို အဖွဲ့တွေအတွက် နာမည်ကျော် တေးသီချင်းတွေ အများကြီး ရေးပေးထားတဲ့အဖွဲ့ပါ။

.

ရာဒိုက အမျိုးသမီးကေပေါ့ပ်အဖွဲ့ဖြစ်တဲ့ STAYC ကို စင်တင်ပေးတဲ့ High Up Entertainment ကို ပူးတွဲ တည်ထောင်သူအဖြစ်လည်း တာဝန်ယူထားတာပါ။

.

သူနဲ့ဘိုမီက သီချင်းတွေသွင်းရင်းနဲ့ နီးစပ်သွားကြတာလို့ သတင်းတွေမှာ တွေ့ရပြီး ဂီတအသိုင်းအဝိုင်းထဲမှာ တော့ တော်တော်လေး ကြာရှည်ခံတဲ့စုံတွဲဆိုပြီး ချီးကျုးနေကြတာတွေလည်း ရှိပါတယ်။ ဘိုမီရဲ့ ပရိသတ် တွေက သူတို့ကြားက အသက်အရွယ်ကွာဟမှုကြောင့် လက်မခံနိုင်တဲ့အကြောင်း အစောပိုင်းမှာ မှတ်ချက် တွေ ရေးနေကြပေမJhလည်း ရည်းစားပြသနာနဲ့ ပတ်သက်ရင် နာမည်ဆိုးထွက်လေ့မရှိတဲ့ Apink ရဲ့ အနေအထားကြောင့် နောက်ဆုံးမှာ သဘောတူလိုက်ကြတာပါ။

.

ဘိုမီရဲ့မင်္ဂလာပွဲကို ဒီနေ့ညနေပိုင်းမှာ ပြုလုပ်ဖို့ရှိနေပြီး သူ့ရဲ့ မင်္ဂလာပွဲဓာတ်ပုံတွေကို ထပ်ပြီးမြင်ရဖို့ ရှိနေပါသေးတယ်။

.