လားရှိုးတွင် ကျောင်းသူ တစ်ဦးကို အုပ်စုဖွဲ့၍ ရိုက်နှက် အနိုင်ကျင့်မှု ဖြစ်ပွား

၂၀၂၆ ခုနှစ်၊ မေလ ၁၈ ရက်

.
ရှမ်းပြည်နယ်မြောက်ပိုင်း၊ လားရှိုးမြို့ရှိ တရုတ်စာသင်ကျောင်း တစ်ခု၏ ကျောင်းသူ တစ်စုက ကျောင်းသူ တစ်ဦးကို အုပ်စုဖွဲ့၍ ဝိုင်းဝန်းရိုက်နှက် အနိုင်ကျင့်ခဲ့သည့် ရုပ်သံဖိုင် တစ်ခု လူမှုကွန်ရက်တွင် ပြန့်နှံ့လာခြင်း ဖြစ်သည်။

.

ကိုးကန့်စာပေယဉ်ကျေးမှုနှင့် ပညာရေးအဖွဲ့ကမူ အွန်လိုင်းပေါ်တွင် ပျံ့နှံ့နေသည့် ကျောင်းတွင်း အနိုင်ကျင့်မှု ဗီဒီယိုကို ကနဦး စုံစမ်းစစ်ဆေးထားရာ ကြည့်ရှုနေသော ကျောင်းသားများတွင် Guonin ကျောင်းသား၊ ကျောင်းသူများ ပါဝင်ခဲ့ပြီး၊ ရိုက်နှက်သူနှင့် ထိခိုက်နစ်နာသူများမှာ Sheng Guang အလယ်တန်းကျောင်းမှ ကျောင်းသား၊ ကျောင်းသူများ ဖြစ်သည်ဟု ထုတ်ပြန်ထားကြောင်း သိရသည်။

.

အဆိုပါ Guomin နဲ့ Sheng Guang ကျောင်းများသည် လားရှိုးမြို့၌ ဖွင့်လှစ်ထားသော ပုဂ္ဂလိက တရုတ်ကျောင်းများ ဖြစ်သည်ဟု သိရပြီး ဖြစ်စဉ် အသေးစိတ် အခြေအနေနှင့် သက်ဆိုင်ရာ အာဏာပိုင်များ၏ အရေးယူ ဆောင်ရွက်မှု အခြေအနေကိုမူ မသိရသေးပေ။

.

#KBZTai #Shan #Lashio