လားရှိုးတွင် အ​ကောက်ခွန်မဲ့ပစ္စည်းများ တင်ဆောင်လာသည့် မော်တော်ယာဉ် ၂ စီး ဖမ်းမိ

ရှမ်းပြည်နယ်မြောက်ပိုင်း၊ လားရှိုးမြို့၊ ရပ်ကွက်(၁)၊ နယ်​မြေ (၁)၊ ထင်းရှုးမြိုင်လမ်းတွင် ယမန်နေ့ မေလ ၂၇ ရက်၊ နံနက်ပိုင်းက အ​ကောက်ခွန်မဲ့ပစ္စည်းများ တင်ဆောင်လာသည့် မော်တော်ယာဉ် ၂ စီးကို ဖမ်းမိခဲ့ကြောင်း သိရသည်။

.

ရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ပါရမီ လမ်းအတိုင်း ​မောင်းနှင်လာ​သော ​မော်​တော်ယာဉ်  ၂ စီးကို ရပ်တန့် ရှာ​ဖွေစစ်​ဆေးစဉ် တရုတ်နိုင်ငံထုတ် ​ဆောက်လုပ်​ရေးသုံး ကုန်မာပစ္စည်းများ ဖြစ်သည့် ငွေကျပ်သိန်း ၆၀၀ ​ကျော် တန်ဖိုးရှိ​သော တရားမဝင် အ​ကောက်ခွန်မဲ့ပစ္စည်းများကို  သိမ်းဆည်းရမိ​ခဲ့ခြင်း ဖြစ်ကြောင်း သိရသည်။

.

“ ကုန်သည်တွေရော၊ ကားသမားတွေရော ခုချိန်မှာ လက်တည့်စမ်းချင်တာမျိုး မလုပ်စေချင်ဘူး။ တစ်နေရာ မဟုတ်၊ တစ်နေရာ ဖမ်းမိမှာပဲ။ ပုံမှန် ဖမ်းနေတဲ့အပြင် ခုချိန်က ရက် ၁၀၀ ကာလ ဖြစ်နေတော့ ပို ဆိုးနေမှာပဲ။ အဖမ်းခံရရင် ကားရော ပစ္စည်းရော အသိမ်းခံရတဲ့အပြင် လူလည်း ထောင်ကျမှာဖြစ်လို့ မစွန့်စားကြစေချင်ဘူး။” ဟု ကုန်သည် တစ်ဦးက ပြောသည်။

.

အဆိုပါ ​မော်​တော်ယာဉ် ၂ စီးဖြင့် အ​ကောက်ခွန်မဲ့ ပစ္စည်းများသယ်​ဆောင်လာသူ ယာဉ်မောင်းများအား လားရှိုးမြို့မရဲစခန်းတွင် ပို့ကုန်သွင်းကုန် ဥပ​ဒေပုဒ်မ ၈ ဖြင့် အမှုဖွင့်ကာ ဖမ်းဆီးအ​ရေးယူထား​ကြောင်း သိရသည်။

.
#KBZTai #Shan #Lashio