ထိုင်းနိုင်ငံအတွင်း ပြစ်ဒဏ်ကျခံပြီးသူ မြန်မာနိုင်ငံသား ၉၀ ကျော်ကို မြန်မာဘက် ပြန်ပို့

ထိုင်းနိုင်ငံအတွင်း အကြောင်းအမျိုးမျိုးဖြင့် ပြစ်ဒဏ်ကျခံရပြီး လွတ်ရက်စေ့မြောက်၍ ပြန်လည်လွတ်မြောက် လာသူ မြန်မာနိုင်ငံသား ၉၀ ကျော်ကို ယမန်နေ့‌ မေလ ၁၃ ရက်က ထိုင်းနိုင်ငံမှ မြန်မာဘက်သို့ ပြန်လည် လွှဲပြောင်းပို့ဆောင်ပေးခဲ့ကြောင်း သိရသည်။
.
အဆိုပါ မြန်မာနိုင်ငံသားများသည် ထိုင်းနိုင်ငံ၏ တည်ဆဲဥပဒေများကို ဖောက်ဖျက်ကျူးလွန်၍ ပြစ်ဒဏ် ကျခံပြီးသူများဖြစ်ပြီး ကျား ၆၆ ဦး၊ မ ၂၆ ဦး စုစုပေါင်း ၉၂ ဦးဖြစ်ကာ ၎င်းတို့အား ထိုင်းနိုင်ငံ၊ ရနောင်းမြို့ အခြေစိုက် အလုပ်သမားသံအရာရှိ ဦးအောင်စိုးသန်း ဦးဆောင်၍ ပဲ့ချိတ်စက်လှေ ၆ စင်းဖြင့် တနင်္သာရီတိုင်း၊ ကော့သောင်းမြို့၌ လာရောက်လွှဲပြောင်းပေးခဲ့ခြင်းဖြစ်ကြောင်း သိရသည်။
.
ပြန်လည်ရောက်ရှိလာသည့် မြန်မာနိုင်ငံသားများကို တာဝန်ရှိသူများက ကြိုဆိုပြီး COVID-19 ရောဂါပိုး ကူးစက်ခံရမှုရှိ/မရှိ စစ်ဆေးခြင်း၊ ကိုယ်ရေးအချက်အလက်များ ရယူခြင်း၊ အမည်မည်းစာရင်းတွင် ပါဝင် သူများ၊ လူကုန်ကူးမှုဖြင့် အလိုရှိသူများ၊ လူကုန်ကူးခံရသူများ၊ တရားခံပြေးများ ပါဝင်လာခြင်းရှိ/မရှိ စစ်ဆေးပြီး နေရပ်အသီးသီးသို့ ပို့ဆောင်ပေးသွားမည်ဖြစ်ကြောင်း သိရသည်။
.
#KBZTai #Local
.