ရွှေကုက္ကိုလ်နယ်မြေတွင် အွန်လိုင်းလိမ်လည်လောင်းကစားမှုများ ပြုလုပ်ခဲ့သည့် တရားမဝင်အဆောက် အအုံ ၄၅ လုံး ဖြိုချဖျက်ဆီးခဲ့ပြီးဖြစ်

.

၂၀၂၆ ခုနှစ်၊ ဇွန်လ ၉ ရက်

.

ကရင်ပြည်နယ်၊ မြဝတီမြို့နယ်၊ ‌ရွှေကုက္ကိုလ်နယ်မြေတွင် အွန်လိုင်းလိမ်လည်လောင်းကစားမှုများ ပြုလုပ် ခဲ့သည့် တရားမဝင် အဆောက်အအုံ ၄၅ လုံးကို ဖြိုချဖျက်ဆီးခဲ့ပြီးဖြစ်သည်ဟု သိရသည်။

.

.

အွန်လိုင်းလိမ်လည်လောင်းကစားမှုများကို အခြေချလုပ်ကိုင်ခဲ့ကြသည့် ရွှေကုက္ကိုလ်နယ်မြေနှင့် KK Park နယ်မြေများရှိ တရားမဝင်အဆောက်အအုံများအား အပြီးတိုင်ဖြိုချဖျက်ဆီးခြင်းများနှင့် လုပ်ငန်းလုပ်ဆောင် ရာတွင် အသုံးပြုခဲ့သည့် ပစ္စည်းများအား စနစ်တကျဖျက်ဆီးခြင်းများကို ဌာနဆိုင်ရာပူးပေါင်းအဖွဲ့များဖြင့် ဆောင်ရွက်လျက်ရှိရာ ယမန်နေ့ ဇွန်လ ၈ ရက်တွင် ရွှေကုက္ကိုလ်နယ်မြေအတွင်းရှိ တရားမဝင် ၃ ထပ် လူနေ အဆောက်အအုံ ၃ လုံးကို ထပ်မံဖြိုချဖျက်ဆီးခဲ့ကြောင်း သိရသည်။

.

ရွှေကုက္ကိုလ်နယ်မြေအတွင်း အွန်လိုင်းလိမ်လည်လောင်းကစားလုပ်ငန်းများ ကျူးလွန်ရာတွင် အသုံးပြုခဲ့သည့် အဆောက်အအုံ ၇၇ လုံးအနက် ယာဉ်ယန္တရားများဖြင့် ဖြိုချဖျက်ဆီးမည့် အဆောက်အအုံ ၅၇ လုံးနှင့် ဖောက်ခွဲ ဖျက်ဆီးမည့် အဆောက်အအုံ ၂၀ လုံးဟူ၍ အဆောက်အအုံအမျိုးအစားအလိုက် ခွဲခြားသတ်မှတ်ပြီး စနစ်တကျဖြိုချဖျက်ဆီးလျက်ရှိကြောင်း သိရှိရသည်။

.

ထို့အပြင် ကျန်ရှိနေသည့် တရားမဝင် အဆောက်အအုံ ၃၂ လုံးကိုလည်း ဆက်လက်ပြီး စနစ်တကျ ဖျက်ဆီး သွားမည်ဖြစ်ကြောင်း သိရသည်။

.